ლეგენდარული პორტუგალიელი ფეხბურთელი ლუიშ ფიგუ მოახლოებულ „ელ კლასიკოზე“ საუბრობს და მიიჩნევს, რომ ეს ყველაზე მნიშვნელოვანი დაპირისპირებაა საფეხბურთო სამყაროში.
„ეს არის ერთ-ერთი ყველაზე მნიშვნელოვანი თამაში მსოფლიოში, რადგან ჩვენ ვსაუბრობთ მსოფლიო ფეხბურთის ისტორიაში ორი ყველაზე მნიშვნელოვანი გუნდის შესახებ.
„ბარსელონადან“ „რეალში“ გადასვლა რთული გადაწყვეტილება იყო, რადგან „ბარსელონაში“ ყველაფერი მქონდა, მაგრამ ამავდროულად მჯერა, რომ ცვლილებების დრო იყო“, - განაცხადა ფიგუმ.
შეგახსენებთ, რომ ლუიშ ფიგუ „ბარსელონადან“ მადრიდის „რეალში“ 2000 წელს გადავიდა და ფეხბურთის ისტორიაში ეს ტრანსფერი ერთ-ერთ ყველაზე ხმაურიანად მიიჩნევა.
აქვე გეტყვით, რომ „ელ კლასიკო“ 28 ოქტომბერს გაიმართება.
