საქართველოსნაკრებისა და მოსკოვის „ლოკომოტივის“ მცველი საბა კვირკველია რუსეთის პრემიერლიგის მე-11 ტურის სიმბოლურ ნაკრებში მოხვდა. ქართველი ფეხბურთელის თამაში „როსტოვის“ წინააღმდეგ ავტორიტეტულმა გამოცემა Sport-express-მა 6.5 ქულით შეაფასა:
„საიმედოდ, თითქმის უშეცდომოდ ითამაშა „როსტოვთან“ (2:1). გაიტანა გოლი, რომელიც გამარჯვების მომტანი გამოდგა“, - წერს რუსული გამოცემა.
კვირკველია მიმდინარე სეზონში პირველად მოხვდა ტურის სიმბოლურში. შეგახსენებთ, გასულ უიქ-ენდზე ქართველმა მცველმა „როსტოვთან“ მატჩის მე-60 წუთზე გამარჯვების გოლი გაიტანა.
