საქართველო ეროვნული ლიგა სანაკრებო პაუზის შემდეგ განახლდა. ეს ივანწმინდაში მოხდა, სადაც „ჩიხურა“ და გორის „დილა“ დაუპირისპირდნენ ერთმანეთს. შეიძლება ითქვას, რომ სასწორზე 6 ქულა იდო, რადგან ორივე გუნდი ევროპა ლიგის საგზურისთვის იბრძვის და ამ ტურამდე სხვაობა ოდენ 2 ქულა იყო გორელთა სასარგებლოდ.

საერთოდ, ბოლო პერიოდში „ჩიხურა“ აღმავლობის გზაზეა, ხოლო „დილა“ - პირიქით. ამჯერადაც, სოსო ფრუიძის გუნდი უკეთ გამოიყურებოდა და უმნიშვნელოვანესი გამარჯვების მოპოვება მოახერხა.

საჩხერელებამ ორი გოლი 5 წუთიანი ინტერვალით შეაგდეს და ორჯერვე მიშიკო სარდალიშვილი გამოირჩა. იმერელეთა შემტემა ჯერ მახვილი კუთხიდან დაარტყა და მეკარე მოუმზადებელი შეხვდა დარტყმას, ხოლო მალევე ახლო მანძილიდან დაცვაში შექმნილ არეულობაში პირველი გაერკვა. მიუხედავად იმისა, რომ გორის „დილამ“ მეორე ტაიმში მოუმატა, ოდენ ერთი გოლი გაქვითა. ნოდარ ქავთარაძის ზუსტი დარტყმა მხოლოდ პრესტიჟის გამოდგა.

შედეგად, „ჩიხურამ“ მიჯრით მესამე თამაში მოიგო, „დილამ“ თავის მხრივ, ზედიზედ მესამე მოუგებელი მატჩი ჩაატარა და იმერლებმა ერთი ქულით გაასწრეს კონკურენტს.

ეროვნული ლიგის 29-ე ტურის დარჩენილი მატჩები კი შაბათ-კვირას შედგება. ხვალ ერთი თამაშია ჩანიშნული, „სიონი“ – „სამტრედიას“ ასევე მეტად პრინციპულ შეხვედრაში უმასპინძლებს.

„ჩიხურა“ – „დილა“ 2:1 (2:0)

გოლები: 1:0 სარდალიშვილი (39), 2:0 სარდალიშვილი (44), 2:1 ქავთარაძე (63)