როგორც უკვე ვიუწყებოდით, დღეს, ბერძნულ ხალკიდიკიში სტარტი აიღო ევროპის საკლუბო თასის გათამაშებამ ჭადრაკში, რომლის ერთ-ერთ ფავორიტადაც ქართული “ნონა” მოიაზრება.

ქალთა ტურნირის საწყის ტურში ქართველი მოჭადრაკეები ისრაელის კლუბ “ბეერ შევას” გაეჯიბრნენ და 3.5:0.5 იმარჯვეს. პარტიები მოგებით დაასრულეს ნანა ძაგნიძემ (2509), ბელა ხოტენაშვილმა (2469) და სალომე მელიამ (2387), ლელა ჯავახიშვილმა (2475) კი ფრედ ითამაშა.
ხვალ, “ნონა” ბერძნულ “გალაქსის თესალონიკის” გაეჯიბრება, რომელიც პირველ ტურში რუსულ “უგრასთან” 0:4 განადგურდა.