ბლოგი

10:44 | 7.10.2018 | ნანახია 1256 - ჯერ

“რეალის“ შანსები, იტალიელთა აღზევება და სხვა მბები
  • რას იტყვი? ამ სეზონშიც “რეალი“ მოიგებს ჩემპიონთა ლიგას?

  • ურონალდოო და უზიდანო “რეალმაც“ თუ ლიგა მოიგო, ალბათ ის დრო იქნება, ფეხბურთის ცქერას შევეშვათ და კოირლინგზე გადავერთოთ. მე მოვკვდე მეტი აზარტი თუ არ ქონდეს...
  • ისე, ეს “რეალი“ ისეთი გუნდია და ისეთი შემადგენლობა ყავს, წელსაც რომ მოიგოს რა გასაკვირი იქნება?
  • მაგათგან რა უნდა გამიკვირდეს კაცო.... აგერ რუსებთან თამაში რომ წააგეს, მე უფრო ვნერვიულობდი ვიდრე ეგენი. მერე კიდევ იძახიან, რა ეჭვიანი კაცი ხარო და ყველგან ჩაწყობა და ქრთამი რატომ გელანდებაო. აბა ამის მერე ის უფრო უცნაური იქნებოდა რომ მეთქვა, “რეალის“ რუსეთში წაგება ლოგიკური ამბავი იყოო. შტერები იქით მოიკითხონ - ლარსის გადაღმა.
  • იტალიელები როგორ გამოცოცხლდნენ ლიგაზე ნახე? მაგათ ან რაღაცა ახალი ისწავლეს, ანდა ის ყიამყრალი მოურინიო მართალია რომ ამბობს, იტალიელები ჩემპიონთა ლიგას მაშინ იგებენ, როდესაც მათზე ყველა ხელს ჩაიქნევსო.
  • მოკლედ, ეს მოურინიო ყველგან რომ არ გამოაკვეხო არ შეგიძლია რა... ვითომ რატომ არ უნდა იგებდნენ იტალიელები?! ბოლო წლებში ფულიც გაუჩნდათ (ნეტა საიდან?) მაგარი ფეხბურთელებიც იყიდეს, “იუვეში“ რონალდუს გადასვლის მერე მაგათი ამაშების ტრანსლაციების ღირებულებაც გვარიანად გაიზარდა და ხალხი იმასაც იძახის, ახლანდელ იტალიის ჩემპიონატს რომ ვუყურებთ, ის ძველი “კალჩო“ გვახსენდებაო.
  • ისე, მოდი მაგათ “ინტერის“ მოგების მერე ევროპაში ჯერ რამე თასი მოიგონ (აფსუს ინტერტოტოს თასი...) და მერე ვილაპარაკოთ ვის რისი თავი აქვს. ეს “იუვენტუსი“ კიდე სულ ფინალშია და სულ აგებს. მაგათ რომ ვუყურებ ეგრე მგონია, ექტორ კუპერი ევროპაში დაბრუნდა.
  • უეფას ბოსებმა ნახე რა თქვეს? ამიერიდან, მსაჯებს აშკარა შეცდომების გამო მკაცრად დავსჯითო და ჩემპიონთა ლიგაზე იმ ოხერტიალ სისტემას მომავალ წელს დავნერგავთ, კარში გოლის გასვლა-არგასვლას ზუსტად რომ აფიქსირებსო.
  • ეგენი სულ მასე იძახიან და ბოლოს მაინც არაფერს აკეთებენ. წელს რომ დაენერგათ ეს სისტემები ვითომ დიდი პრობლემა იქნებოდა? რას ცვლის ეს ერთი წელი ნეტა? რუსებმა როგორ უნდა გაჯობონ კაცო. აგე, ამ ბოლო მუნდიალზე ქონდათ სისტემა და მტერ-მოყვარე იძახის, კარგი იყო და ვინ იფიქრებდა რუსთა მუნდიალი ასეთი სამართლიანი რომ გამოვიდოდაო.
  • რუსეთი და სამართალი, იტყვი ხოლმე შენც რა...
  • რუსეთი დაივიწყე კაცო და ხომ ფაქტია რომ გაამართლა იმ ახალმა სისტემამ? ჰოდა ადგნენ და ამ ლიგაზეც დანერგონ ბარემ. რად უნდა ამას დროის წელვა? მაგრამ აი ხომ გეუბნები რა, ვიღააც-ვიღაცეები ჩირგვებში სხედან და მაგარ ფულს აკეთებენ. ერთი წელი კი არა, მაგათთვის მგონი ყოველი საათი მნიშვნელოვანია და თითო წუთი თითო მილიონად ფასობს.
  • ამდენი ვიყბედეთ და მაინც არ მითხარი... მოიგებს წელსაც “რეალი“ ლიგას?
  • გამანებე ერთი თავი თუ ძმა ხარ...
Loading...

კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
16:28 | 11.10.2018
O. Mertskhali (3216)

16:25 | 07.10.2018
#გავკარიჩემსპრეზიდენტს (KORBEN) (13525)

მოკლედ, კინოში ტარანტინოსეული დიალოგები მევასება და სპორტულ ჟურნალისტიკაში კი პატივცემული სეფისკვერაძის

13:13 | 07.10.2018
ficxela10 (4809)

ასეთი ყლ წერასაც ნიჭი უნდა, ფუუუ

სარეკლამო ადგილი - 20
250 x 188
სარეკლამო ადგილი - 22
250 x 250
0.070594