შვედეთის ალსვენსკანის 25-ე ტურში „გიოტებორგი“ საკუთარ მოედანზე „ტრელებორგსს“ დაუზავდა - 2:2.

მასპინძლები უკვე მესამე წუთზე დაწინაურდნენ, თუმცა, შემდეგ სტუმრებმა მოახერხეს წინ გასვლა გამარჯვებასთან ძალიან ახლოს იყვნენ. მსაჯმა შეხვედრას 5 წუთი დაამატა, თუმცა ერთი ამდენის კიდევ გადამატება მოუწია მას შემდეგ, რაც სტუმართა ფეხბურთელი იოვანოვიჩი გააძევა.

საბოლოოდ, მსაჯის მეათე(!) დამატებული წუთი მიმდინარეობდა, როცა დაახლოებით 30 მეტრიდან გიორგი ხარაიშვილი საჯარიმო დარტყმა დიდებულად შეასრულა და მეკარეს შანსი არ დაუტოვა. გიორგიმ მიმდინარე სეზონში 22-ე შეხვედრაში მეშვიდე გოლი გაიტანა.

„გიოტებორგი“ კი 25 მატჩში მოპოვებული 25 ქულით მხოლოდ და მხოლოდ მე-12 აგილზე იმყოფება 16-გუნდიან ჩემპიონატში.