ლა ლიგის პრეზიდენტი, ხავიერ ტებასი დარწმუნებულია, რომ ესპანეთის ჩემპიონატის 21-ე ტურის მატჩი, კატალონიური დერბი, „ჟირონასა“ და „ბარსელონას“ შორის, 21 იანვარს, მაიამიში გაიმართება.

„მზად ვარ 10 ათასი დოლარი დავდო, რომ ეს მატჩი აშშ-ში ჩატარდება. ვიცოდი, რომ იოლი არ იქნებოდა, მაგრამ დარწმუნებული ვარ, „ჟირონა“ და „ბარსა“ მაიამიში ითამაშებენ. კარგად ვიცნობ ხალხს, ვინც შეხვედრის ორგანიზებაში მონაწილეობს და გარწმუნებთ, ბევრი ვინც ამ იდეის წინააღმდეგია, გულში სხვაგვარად ფიქრობს - უთხრა 56 წლის ტებასმა Football Espana-ს.

შეგახსენებთ, რომ ბოლო დროს ხშირად საუბრობენ ესპანეთის ჩემპიონატის რიგი მატჩების ოკეანისგაღმა გამართვაზე, რაც კომერციულად მომგებიანია, თუმცა, მაგალითისთვის „რეალისა“ და „ბარსელონას“ ქომაგების აღშფოთება გამოიწვია.