სილვიო ბერლუსკონიმ იტალიის სერია C-ს ბინადარი „მონცა“ რომ შეიძინა, აქამდეც გიამბეთ. ახლა კი დონ სილვიომ იტალიურ მედიას კომენტარი მისცა, სადაც გუნდის დაკომპლექტებაზე და ფეხბურთელების ქცევის წესებზე გაამახვილა ყურადღება.
მაგალითად, ბერლუსკონის ფორმაციის „მონცაში“ ლეგიონერები არ ითამაშებენ, ხოლო ფეხბურთელებს ტატუს გაკეთებისა და საყურის ტარების უფლება არ ექნებათ.
„ჩვენ განსაკუთრებულ პორექტზე ვფიქრობდით. გვინდა, რომ გუნდი მთლიანად ახალგაზრდებით და სრულად იტალიელი ფეხბურთელებით დაკომპლექტდეს. ჩვენს ბიჭებს თმა ყოველთვის უნდა ჰქონდეთ, რადგან მონცაში არსებობს საპარიკმახერო, სადაც უფასოდ შეეძლებათ თმის შეჭრა. და კიდევ, ფეხბურთელებს არავითარ შემთხვევაში არ უნდა ჰქონდეთ ტატუ და საყურეები.
მხოლოდ თამაშზე უნდა იყვნენ კონცენტრირებულნი. თუ თამაშს წესს დარღვევენ, მოწინააღდეგეს ბოდიში უნდა მოუხადონ და მსაჯს მიმართონ - სინიორ მსაჯო“. ჩამოართვან მეტოქეს ხელი თამაშის დასრულების შემდეგ. ვნახოთ, შევძლებთ თუ არა, დღევანდელი ფეხბურთისგან განსხვავებულ პატივისცემას“, - განაცხადა ბერლუსკონიმ.
