ჭადრაკი

17:25 | 5.10.2018 | ნანახია 1711 - ჯერ

საქართველოს მოჭადრაკე ქალებმა ოლიმპიადის ბრინჯაოს მედლები დაისაკუთრეს!

ბოლო, მეთერთმეტე ტურში საქართველოს მოჭადრაკე ქალთა პირველი ნაკრები სომხეთის გუნდს დაუპირისპირდა. ჩვენს გუნდს უკან დასახევი გზა არ ჰქონდა - აუცილებლად უნდა მოეგო ეს შეხვედრა, თუმცა საპრიზო ადგილზე გასვლა სხვა გუნდების შედეგებზეც იყო დამოკიდებული, კერძოდ, რუს მოჭადრაკეებს არ უნდა მოეგოთ ჩინელებისთვის, ხოლო აშშ-უკრაინის შეხვედრა ფრედ არ უნდა დასრულებულიყო.

ნანა ძაგნიძემ (2509) ელინა დანიელიანს (2409) მოუგო. ლელა ჯავახიშვილმა (2475) - ლილიტ მკრტიჩიანს (2384).

ნინო ბაციაშვილი (2482) - ანა სარგსიანი (2331) და ბელა ხოტენაშვილი (2469) - სურანუშ გუკასიანი (2205) დაზავდნენ. საბოლოოდ, საქართველოს მოჭადრაკე ქალთა ნაკრებმა 3:1 იმარჯვა.

მეორე ნაკრებმა 2,5:1,5 დაამარცხა ჩეხეთის გუნდი.

ხოლო ჩვენი მესამე გუნდი ირანის ქალთა ნაკრებთან 1:3 დამარცხდა.

ცენტრალური შეხვედრა გაიმართა რუსეთისა და ჩინეთის ნაკრებებს შორის. რუსები 2:1-ს იგებდნენ და მთელი ყურადღება პირველი დაფისკენ იყო მიპყრობილი, სადაც ვენჟუნ ჟუ ალექსანდრა კოსტენიუკს შავი ფიგურებით ეთამაშებოდა. ჩინელმა დაძაბული პარტია მოიგო და საბოლოოდ გუნდებს შორის ფრე - 2-2 დაფიქსირდა, რაც იმის მაუწყებელი იყო, რომ ჩინელებმა და უკრაინელებმა თანაბარი ქულები გაიყვეს და ჩემპიონის ვინაობა კოეფიციენტმა დაადგინა - ჩინეთი პირველ ადგილზე გავიდა, უკრაინა - მეორეზე. მესამეზე საპრიზო ადგილზე კი საქართველოს ქალთა პირველი ნაკრები გავიდა.

უკრაინელებმა აშშ-ს გუნდს აჯობეს 3:1.

პოლონეთი-ესპანეთის შეხვედრა ფრედ 2:2 დასრულდა.

ბოლო ტურში საქართველოს ვაჟთა პირველი ნაკრებმა ესპანეთის გუნდთან ფრედ 2:2 დაასრულა შეხვედრა. ოთხივე პარტია ყაიმით დასრულდა.

მეორე ნაკრებმა - ირანის ნაკრებთან წააგო 1,5:2,5, ხოლო მესამე გუნდმა ასეთივე ანგარიშით, სინგაპურის გუნდს სძლია.

ჩემპიონის ბედი აშშ-სა და ჩინეთის ნაკრებთა შეხვედრაში გადაწყდა. ეს დაპირისპირება ფრედ - 2:2 დასრულდა. ასეთივე ანგარიში დაფიქსირდა ინდოეთი-პოლონეთის მატჩში. რუსებმა 2,5:1,5 სძლიეს ფრანგებს. საბოლოოდ, ჩინეთმა, აშშ-მა და რუსეთმა 18-18 ქულა დააგროვეს, დამატებითი მაჩვენებლებით კი, ადგილები ასე გადანაწილდა: 1. ჩინეთი, 2. აშშ, 3. რუსეთი.

სრულ მიმოხილვას მოგვიანებით შემოგთავაზებთ.

თენგიზ ჩობანიძე, სპეციალურად worldsport.ge-ისთვის ბათუმიდან

Loading...

კომენტარები (6)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:49 | 06.10.2018
dinamo222 (4394)

და რა არი აქ მოსალოცი ? საკუთარ "მოედანზე" მესამე ადგილი ??

08:49 | 07.10.2018
choloka (774)

ჭადრაკს დაფაზე თამაშობ მეგობარო!მისალოცია თუნდაც იმიტომ რომ მეორეზე გასულ გუნდთან რომელიც მხოლოდ კოეფიციენტის გამო იყო მეორე ფრედ ითამაშე!მოსალოცია თუნდაც იმიტომ რომ რუსეთის უზლიერესი გუნდი შენს ქვემოთ აღმოჩნდა!მოსალოცია თუნდაც იმიტომ რომ კავკასიაში შენზე ბევრად კარგად მომზადებული(ფინანსურ მხარეს ვგულისხმობ) სომხეთის და აზერბაიჯანის ქალთა გუნდები,შენს მერე აღმოჩნდნენ. სომხეთის ნაკრები დაამარცხე ,რომელმაც რუსეთთან 3-1.ამერიკა 2.5-1.5 და ჩინეთთან 2-2 ითამაშა

00:47 | 06.10.2018
O. Mertskhali (3099)

მშვენიერი შედეგია
თავის გაგიჟება და "ჩინეთებთან" ჭიდაობა არც მოგვეთხოვება - მთავარია, მარქაფაში ვართ.
იმედია, მომავალში, ბიჭებიც უკეთ დაუდებენ გულს ჭადრაკს და ჩვენც ბოლომდე გავიხარებთ )
აბა ჰე და აბა ჰო!

18:58 | 06.10.2018
# KoRBeN DaLLaS # (13091)

მარაქაში. მარქაფა სათადარიგოს, შემცვლელს ნიშნავს.

00:22 | 06.10.2018
davit-tg (735)

გილოცავთ გოგონებო! შენდეგში მეტისთვის მიგეღწიოთ,ეს თქვენ შეგიძლიათ.
ერთი კი მიკვირს,ნონას და ნანას ქვეყანაში ასეთი მცირე კომენტარები სპორტულ საიტზე.ბევრის მეტყველი ფაქტია.იმედია დავიბრუნებთ ძველ დიდებას.

21:10 | 05.10.2018
ალექსანდრე (5200)

ყაზახეთთან რომ წააგებ და ჩეხეთს ვერ მოუგებ, და შესაბამისად ოქროს მედლებს დაკარგავ, ამის მერე ბრინჯაო რა მოსალოცია, მაგრამ მაინც გილოცავთ.

11:49 | 07.10.2018
choloka (774)

იცით რამხელა ტვირთიაა საკუთარი გულშემატკივრის წინაშე თამაში?ბოლოს სომხეთს მოუგეს გუნდს რომელმაც დაამარცხა რუსეთი3-1,ამერიკა 2.5-1.5,ჩინეთთან 2-2,ეს პატარა საქმეაა,რაც შეეხება იმ წაგებას და ფრეს ხდება,რუსეთი საერთოდ უმედლოდ დარჩა

20:58 | 05.10.2018
ალექსანდრე (5200)

ჩემპიონი ჩინეთი გახდა.

19:07 | 05.10.2018
kakhaberry (2355)

ჩემპიონის ბედი აშშ-სა და ჩინეთის ნაკრებთა შეხვედრაში გადაწყდა. ფრედ - 2:2 დასრულდა ეს დაპირისპირება

გასაგებია, რომ "სრული" მიმოხილვა არ არის, მაგრამ რომელს აწყობდა ეს შედეგი და ჩემპიონი ვინ გახდა იქნებ 2 სიტყვით მიგეწერათ ) თან გვამცნობთ, რომ ამათ შორის გადაწყდა

იგულისხმება, რომ ყველამ უნდა ვიცოდეთ კოეფიციენტები? :დდ

სარეკლამო ადგილი - 20
250 x 188
სარეკლამო ადგილი - 22
250 x 250
0.09194