ფეხბურთი

23:30 | 4.10.2018 | ნანახია [] - ჯერ

ალეგრი ბერნარდესკის გაუბრაზდა: "აქ "ფიორენტინა" არაა!" (+VIDEO)

მიმდინარე სეზონი ტურინის "იუვენტუსმა" წარმატებულად დაიწყო და საწყისი 9 მატჩიდან ყველა მოიგო. იტალიელ სპეციალისტთა მოსაზრებით, ხსენებულ მონაკვეთში გამორჩეული იყო ფედერიკო ბერნარდესკი, რომელიც მართლაც კარგ ფორმაშია. იტალიელმა შემტევმა ჩემპიონთა ლიგაზე "იანგ ბოიზის" წინააღმდეგაც კარგი თამაში აჩვენა, თუმცა ეპიზოდურად პასის გაკეთება და ბურთთან შელევა უძნელდებოდა.

ხსენებული მატჩის შემდეგ პრესკონფერენციაზე ალეგრიმ ბერნარდესკიზე ასე ისაუბრა:

"ფედერიკომ ძალიან კარგი თამაში ჩაატარა, მაგრამ ყური ავუწიე, რადგან ზოგჯერ ბურთი უნდა გადაეცა თანაგუნდელისთვის და თავად არ უნდა ეცადა გოლის გატანა".

ახლა კი, იტალიურ მედიაში ვიდეო გაჩნდა, რომელიც უშუალოდ თამაშის დროსაა გადაღებული და ბერნარდესკის ერთ-ერთი ასეთი მოქმედებით უკმაყოფილო ალეგრი თავის ასისტენტ მარკო ლანდუჩის მიმართავს:

"პასი უნდა გაეკეთებინა, გოლის გატანა გვჭირდება. ახლა მას შევცვლი. აქ "ფიორენტინაში" არ ვართ!", - თქვა ალეგრიმ და მოედნის ბილიკთან დაბრუნდა.

0.110784