ახლოვდება ოქტომბრის სანაკრებო ფანჯარა, რომლის ეგიდით საქართველოს ნაკრები ერთა ლიგაზე ორ შეხვედრას ჩაატარებს. თბილისში, ანდორასთან და რიგაში - ლატვიასთან. "ჯვაროსნების" მთავარმა მწვრთნელმა ვლადიმირ ვაისმა შკერებმადე ერთი კვირით ადრე დაასახელა ის შემადგენლობა, რომელიც დამდეგი მატჩებისთვის მოემზადება.

სლოვაკმა გუნდში 26 ფეხბურთელს უხმო განსაკუთრებული სიურპრიზების გარეშე. ორი სიახლეა: მარტის შემდეგ ნაკრებს უბრუნდება ჯანო ანანიძე, რომელმაც ტრავმა მოიშუშა და "სპარტაკში" ითამაშა კიდეც, ხოლო ერთი დებიუტანტი იქნება - პოლონური "არკას" შემტევი ლუკა ზარანდია.

სხვა მხრივ, გუნდში არაა გიორგი ქვილითაია ტრავმის გამო, ხოლო გიორგი არაბიძის გამოძახება თავად ვაისმა ამ ეტაპზე საჭიროდ არ ჩათვალა.

საქართველოს ეროვნული ნაკრების შემადგენლობა ასეთია:

მეკარეები: გიორგი ლორია (უგუნდოდ), როინ კვასხვაძე (ტორპედო, ქუთაისი), ლაზარე კუპატაძე (საბურთალო, თბილისი)

მცველები: ოთარ კაკაბაძე (ლუცერნი, შვეიცარია), სოლომონ კვერკველია (ლოკომოტივი, მოსკოვი, რუსეთი), დავით ხოჭოლავა (შახტარი, დონეცკი, უკრაინა), გურამ კაშია (სან ხოსე ერთკვეიკსი, აშშ), ლაშა დვალი (პოგონი, პოლონეთი), გიორგი ნავალოვსკი (დინამო, მინსკი, ბელარუსი), ჯიმი ტაბიძე (უფა, რუსეთი)

ნახევარმცველები: ჯაბა კანკავა (ტობოლი, ყაზახეთი), ნიკა კვეკვესკირი (ტობოლი, ყაზახეთი), გიორგი აბურჯანია (ლუგო, ესპანეთი), ვაკო გვილია (ლუცერნი, შვეიცარია), ოთარ კიტეიშვილი (შტურმი, ავსტრია), გიორგი პაპუნაშვილი (სარაგოსა, ესპანეთი), ჯანო ანანიძე (სპარტაკი, მოსკოვი) გიორგი მერებაშვილი (ვისლა, პოლონეთი), გიორგი ჩაკვეტაძე (გენტი, ბელგია), თორნიკე ოქრიაშვილი (კრასნოდარი, რუსეთი), ვაკო ყაზაიშვილი (სან ხოსე ერთკვეიკსი, აშშ), ჯაბა ჯიღაური (გრენობლი, საფრანგეთი), ლუკა ზარანდია (არკა, პოლონეთი), ვახტანგ ჭანტურიშვილი (სპარტაკ-ტრნავა, სლოვაკეთი)

თავდამსხმელები: ლევან მჭედლიძე (ემპოლი, იტალია), ნიკა კაჭარავა (ანორთოსისი, კვიპროსი)

გარდა ამისა, ცნობილია კიდევ ოთხი ფეხბურთელის ვინაობა, რომლებსაც ვაისი ეროვნული ნაკრების გაფართოებულ შემადგენლობაში განიხილავს:

ლევან გეგეჭკორი (ტორპედო, ქუთაისი), ლაშა შერგელაშვილი (რიგასი, ლატვია), ბუდუ ზივზივაძე (დინამო, თბილისი), ბაჩანა არაბული (პუშკაშ-აკადემია, უნგრეთი).

საქართველოს ეროვნული ნაკრები 8 ოქტომბერს შეიკრიბება და მზადება ს.კ "ზესტაფონის" საწვრთნელ ბაზაზე დაიწყებს. ერთა ლიგის მესამე შეხვედრას კი, 13 ოქტომბერს, "დინამო არენაზე" ანდორას ნაკრების წინააღმდეგ 20:00 საათზე ჩაატარებს.