„მანჩესტერ იუნიატედის“ მთავარი მწვრთნელი ჟოზე მოურინიო პოლ პოგბასთან კონფლიქტს კიდევ ერთხელ უარყოფს. თუმცა, პორტუგალიელი სპეციალისტის თქმით, არცერთი ფეხბურთელი გუნდზე მაღლა არ დგას.

„ვესტ ჰემთან“ მატჩისწინა პრეკოსნფერენციაზე მოურიომ შემდეგი კომენტარი გააკეთა:

„მანჩესტერ იუნაიტედი“ ყველაზე დიდია და მე ის უნდა დავიცვა. არცერთი ფეხბურთელი არ დგას კლუბზე მაღლა. ჩემს სტაფთან რამდენიმე კვირიანი ანალიზისა და კონსულტაციების შემდეგ, მივიღეთ გადაწყვეტილება, რომ პოლი იყოს უბრალოდ ფეხბურთელი და არა ვიცე-კაპიტანი.

ჩვენს შორის კარგი ურთიერთობაა. პოგბაზე უკეთ ამ კვირაში არავის უვარჯიშია და შესაბამისად, ხვალ ის ითამაშებს. დისკუსია ვარჯიშის დროს? არანაირი დისკუსია არ ყოფილა. არ მაინტერესებს ტელეკამერები, ფეხბურთელებთან ყოველდღე ვსაუბრობ“, - აღნიშნა მოურინიომ.

შეგახსენებთ, რომ ოთხი დღის წინ პოგბას მოურინიომ ვიცე-კაპიტნის სტატუსი ჩამოართვა, ხოლო შემდეგ გავრცელდა კადრები ვარჯიშიდან, რომელშიც ფრანგსა და პორტუგალიელს საკაოდ არასასიამოვნო საუბარი ჰქონდათ.