აზერბაიჯანის დედაქალაქ ბაქოში ჩატარებული მსოფლიოს 2018 წლის ჩემპიონატი ძიუდოში გუნდური შეჯიბრით დასრულდა.

როგორც მოსალოდნელი გახლდათ, ოქროს მედლების მფლობელი უმთავრეს ფავორიტად შერაცხული იაპონია გახდა.
ძიუდოს სამყაროს ლიდერმა მონღოლეთს 4:0 სძლია, აზერბაიჯანს 4:2 აჯობა, ნახევარფინალში კორეის გაერთიანებული გუნდი 4:0 დაამარცხა, გადამწყვეტი შერკინება კი საფრანგეთს მოუგო – 4:1.
ბრინჯაოს მედლები კორეისა და რუსეთის ნაკრებებმა მოიპოვეს.
ცნობისთვის, გუნდურ ტურნირში, რომელიც შერეული პრინციპით (ვაჟები+ქალები) მიმდინარეობდა, 19 გუნდი ჩაება, თუმცა, მათ შორის საქართველო არ გახლდათ. მიზეზი მარტივია: ჩვენი გუნდი ბაქოში ქალი ძიუდოისტების გარეშე იყო ჩასული.

სრული შედეგები