"მანჩესტერ იუნაიტედის" მთავარმა მწვრთნელმა ჟოზე მოურინიომ "ვულვზისთან" ფრედ (1:1) დასრულებული პრემიერლიგის მეექვსე ტურის მატჩის შემდეგ საკუთარი გუნდის თამაში დაიწუნა და გუნდი გააკრიტიკა. პორტუგალიელი სპეციალისტი მიიჩნევს, რომ "წითელ ეშმაკებმა" მეტოქე კარგად არ შეაფასეს.

"არ მომეწონა ჩემი გუნდი. ერთი გუნდი გამოვიდა თავისი ცხოვრების მატჩის ჩასატარებლად, მეორე კი - დასასვენებლად. "ვულვზმა" დაიმსახურა შედეგი. მეტოქე ისე თამაშობდა თითქოს მსოფლიო თასის ფინალი იყო. სწორედ ესაა ის დამოკიდებულება, რომელიც ჩემ გუნდს უნდა ჰქონდეს. ამის მისაღწევად არაა საჭირო მაღალ დონეზე თამაშობდე." - ციტირებს Sky Sports-ი მოურინიოს სიტყვებს.

"მანჩესტერ იუნაიტედს" აღნიშნული ფრეს შემდეგ პრემიერლიგაში 10 ქულა დაუგროვდა და მეექვსე ადგილზე იმყოფება.