კალათბურთი

1:18 | 23.09.2018 | ნანახია [] - ჯერ

შენგელიამ და ჯენინგმა სეზონი ტიტულით ვერ დაიწყეს

„სასკი ბასკონია“ ესპანეთის სუპერთასს ვერ შესწვდა. ბასკებმა ფინალში მადრიდის „რეალთან“ 73:80 წააგეს და სეზონი ტიტულით ვერ დაიწყეს. მატჩის ბედი დასკვნით მეოთხედში გადაწყდა, რომელიც „სამეფო კლუბმა“ 8 ქულიანი სხვაობით მოიგო. არადა, იქამდე „ბასკონია“ მეტოქეს ტოლს არ უდებდა და მეტიც, ერთი ქულით ამარცხებდა კიდეც.

„ბასკონიას“ რიგებში თორნიკე შენგელია ერთ-ერთი გამორჩეული იყო, რომელმაც 17:21 წუთში საკუთარ გუნდს 12 ქულა, 5 მოხსნა, 1 პასი შესძინა. თორნიკემ 5-დან 2 ორქულიანი, 4-დან 2 სამქულიანი და 4-დან 2 საჯარიმო ჩააგდო.

რაც შეეხება საქართველოს ნაკრები ნატურალიზებულ კალათბურთელს, მეტ ჯენინგს - მის ანგარიშზე 2 ქულა, 3 მოხსნა და 2 პასია. ეს ყველაფერი 18:13 წუთში. ჯენინგმა 2-დან 1 ორქულიანი, ჩააგდო, ხოლო ორი სამქულიანი ააცილა.

მოედანზე საუკეთესო სერხიო ლული იყო 15 ქულით, 2 მოხსნითა და 3 პასით. რაც შეეხება „ბასკონიას“ ლიგა ენდესას პირველ ტურში 29 სექტემბერს, „სარაგოსას“ საკუთარ მოედანზე დაუპირისპირდება.

0.13482