ქართველმა ჩოგბურთელმა ეკატერინე გორგოძემ წარმატებული სტარტი აიღო ფრანგულ სენ-მალოში დაწყებულ საერთაშორისო ტურნირზე, რომლის საპრიზო ფონდიც 60 ათასი დოლარია.
გორგოძემ პირველ წრეში “უაილდ ქარდის” მქონე ფრანგი ლუსი ვაგნერი 6:3, 0:6, 6:3 დაამარცხა და მერვედფინალში მე-2 ნომრად განთესილ უკრაინელ ანჰელინა კალინინასა და კოლუმბიელ მარია ფერნანდა ჰერაზო გონსალესს შორის უმჯობესს გაეჯიბრება.
