ფეხბურთი

10:29 | 15.09.2018 | ნანახია 5434 - ჯერ

საქართველოს ნაკრების კონტიგენტი და ვლადიმირ ვაისის არჩევანი

საქართველოს ეროვნულმა ნაკრებმა ერთა ლიგის გათამაშება წარმატებით დაიწყო და ახლა მთავარია აღებული ტემპით ბოლომდე იაროს. გზა გრძელია და რთულიც, თუმცა, ისიც ნათელია, რომ ამაზე ადვილი გზა ევროპის ჩემპიონატის ფინალურ ეტაპამადე არ არსებობს.

როგორც უკვე ვთქვით, გზა გრძელია და შესაბამისად, ვლადიმირ ვაისს ზოგჯერ ტრავმებთან, ზოგჯერაც დისკვალიფიკაციებთან მოუწევს გამკლავება. საქართველო დიდი ქვეყანა არაა და ბუნებრივია, სლოვაკ სპეციალისტი კონტიგენტის მხრივ, საკმაოდ შეზღუდულია. თუმცა, მაინც საინტერესოა თვალი გადავავალოთ ეროვნული ნაკრების უახლოეს რეზერვს. ვისი გამოძახებაა შესაძლებელი და ვინ შეიძლება იყოს “ჯვაროსნებისთვის” ახალი სახე.

თავდაპირველად იმ ფეხბურთელთა ჩამონათვალს გადავავლოთ თვალი, რომლებიც ვაისს ბოლო შეკრებაზე ჰყავდა მიწვეული:

მეკარეები: გიორგი ლორია, როინ კვასხვაძე, ლაზარე კუპატაძე

მცველები: ოთარ კაკაბაძე, სოლომონ კვერკველია, დავით ხოჭოლავა, გურამ კაშია, ლაშა შერგელაშვილი, გიორგი ნავალოვსკი, ჯიმი ტაბიძე

ნახევარმცველები: ჯაბა კანკავა, ნიკა კვეკვესკირი, გიორგი აბურჯანია, ვაკო გვილია, ოთარ კიტეიშვილი, გიორგი პაპუნაშვილი, გიორგი მერებაშვილი, გიორგი არაბიძე, გიორგი ჩაკვეტაძე, თორნიკე ოქრიაშვილი, ვაკო ყაზაიშვილი, ჯაბა ჯიღაური

თავდამსხმელები: ლევან მჭედლიძე, გიორგი ქვილითაია, ნიკა კაჭარავა

ზოგადად ასეა, ეროვნული ნაკრების უპირველესი წყარო 21 წლამდე ნაკრებია. ჩვენთანაც, ახალგაზრდულ ნაკრებში რამდენიმე ფეხბურთელია, რომელთა ეროვნულ გუნდში გამოძახება უახლოეს პერიოდში შესაძლებელია. თუმცა, არიან ისეთებიც, რომლებიც შესაბამის კატეგორიაში ვეღარ თავსდებიან, თუმცა ნაკრების კარი ბუნებრივია მათთვისაც ღიაა. ვეცდებით, მეტ-ნაკლებად ყველა ფეხბურთელზე ვთქვათ და მივყვეთ პოზიციების მიხედვით...

მეკარე

ვლადიმირ ვაისის სიაში ბოლოს გიორგი ლორია, როინ კვასხვაძე და ლაზარე კუპატაძე მოხვდნენ. თუმცა, ვაისის განკარგულებაშია გიორგი მაკარიძე, რომელიც საიმედო მეკარეა და ამჟამად ტრავმამ შეუშალა ხელი. არ უნდა დავივიწყოთ ნუკრი რევიშვილი. 31 წლის გამოცდილი კიპერი, რომელსაც არათუ კარიერაში, არამედ ცხოვრებაში რთული პერიოდი უდგას. ნუკრი თუ მოახერხებს ამ ყველაფრის გადალახვას და ჩვეულ ფორმაში დაბრუნებას, ბუნებრივია, მასზე დაყრდნობა შეიძლება, რადგან მეკარისთვის 31 წელი არაა მაინც და მაინც, ჩამოსაწერი ასაკი. და კიდევ, ზაურ მახარაძე. მას ზაფხულის შეკრების წინ ქართული პასპორტიც გადაეცა და გუნდთან ერთად იყო, თუმცა, როგორც ცნობილი გახდა, ყველა საბურთი ამ ეტაპზე წესრიგში არაა. იმედია, მახარაძის პრობლემა უახლოეს მომავალში მოგვარდება, რადგან უკრაინის ჩემპიონატში მუდმივი სათამაშო პრაქტიკა აქვს და შესაძლებელია მისი ნდობაც.

დაცვა

დაცვის ცენტრით დავიწყოთ. პოზიცია, რომელიც ალბათ დღეს ყველაზე ნაკლებადაა საფიქრალი და სანერვიულო. გურამ კაშია, სოლომონ კვირკველია და დავით ხოჭოლავა ის ფეხბურთელები არიან, რომელთა კისერზეც გადაივლის სანაკრებო მატჩების უმრავლესობა. უნდა გვეიმედებოდეს ჯიმი ტაბიძისა და ლაშა დვალის, რომლებიც ჯერაც ახალგაზრდულ ასაკში არიან, თუმცა, რუსულ “უფასა” და პოლონურ “პოგონში” სათამაშო დროს დანატრებულნი ნამდვილად არ არიან. სხვა მხრივ, 21 წლამდე ნაკრების წევრები, ლუკა ლოჩოშვილი, დავით კობოური და ანდრო გიორგაძე უნდა გამოვყოთ. თუ ეს ფეხბურთელები მოახერხებენ კარიერის განვითარებას, რატომაც არა, შესაძლოა, ვაისს მათი იმედიც ჰქონდეს.

გაცილებით რთული სიტუაციაა დაცვის ორივე ფლანგზე. ფაქტობრივად, ნაკრებს თითო მარჯვენა და მარცხენა მცველი ჰყავს და ეს ნამდვილად დიდი პრობლემაა. ოთარ კაკაბაძე ბუნებრივია უალტერნატივოა, მაგრამ შემცვლელი მასაც სჭირდება. სხვა თუ არაფერი, კონკურენცია ის საკითხია, რომელიც ფეხბურთელის განვითარებასა და პროგრესს განაპირობებს. სამწუხაროდ, ეს პოზიცია საქართველოში დიდი ხანია აქილევსის ქუსლია. და მაინც, რა არჩევანი აქვს ვლადიმირ ვაისს? – უპირველეს ყოვლისა, გიორგი მჭედლიშვილი უნდა ვახსენოთ. ის, ხორვატიის უმაღლეს ლიგაში თამაშობს და მუდმივად მოედანზეა. მჭედლიშვილი ფიზიკურად ძლიერი ფეხბურთელია, რომელსაც დაცვაშიც კარგად ხელეწიფება გარჯა და შეტევაშიც გამოსდის ჩართვები. საინტერესოა, რომ ვაისი მისი სამსახურით აქამდე არ დაინტერესებულა და ამხანაგურ მატჩებშიც არ მიუცია შანსი. არადა, ხორვატული “გორიცას” წევრი კაკაბაძის კარგი ალტერნატვია უნდა იყოს... სამაგიეროდ, ვაისმა რამდენჯერმე მისცა შანსი ქუთაისის “ტორპედოს” მცველ ლევან გეგეჭკორს. ვერ ვიტყვით, რომ მან სლოვაკს იმედი გაუმართლა, მაგრამ გამოუვალ სიტუაციაში ვინძლო, ისევ დაეყრდნოს.

არანაკლებ რთული მდგომარეობაა საპირისპირო ფლანგზე. გიორგი ნავალოვსკი და შემდეგ ფაქტობრივად არაფერი... ასეთ პირობებში ვაისმა ლაშა დვალი გამოსცადა მარცხენა მცველის პოზიციაზე, მაგრამ დიდად შედეგი ამასაც არ მოუტანია. სლოვაკი ხშირად იწვევს ლატვიური “რიგასის” წევრ ლაშა შერგელაშვილს, მაგრამ ეს სიმშვიდის უფლებას არ იძლევა. ასეთ ფონზე, ბევრი მიიჩნევს, რომ ეროვნული ნაკრების ღირსია “ტორპედოს” ფეხბურთელი გიორგი ქიმაძე. თუმცა, მას ეროვნული ნაკრების დონეზე არანაირი გამოცდილება არ გააჩნია და ეს უკვე პრობლემაა. ვინაიდან, ვაისის გეგმები ამჟამად ნათელია: ენდობა და ეყრდნობა ფეხბურთელებს, რომელთა შესაძლებლობას იცნობს და რომლებიც, ეროვნულ ნაკრებს გაშინაურებულნი არიან. ეს ალბათ სწორი მიდგომაა, რადგან ექსპერიმენტების დრო ერთა ლიგაზე ნამდვილად არაა. ქიმაძეს რაც შეეხება, მარცხენა მცველის პოზიციაზე მას გუნდში ბულგარელი ლაზარ მარინი ჰყავს კონკურენტად და ამიტომ, კახა ჩხეტიანმა ნახევარდაცვაში გადაიყვანა. ამ პოზიციაზე ქიმაძემ ევროტურნირებზე მართლაც კარგი შთაბეჭდილება დატოვა, მაგრამ ერთია მცველობა და მეორე, როდესაც შეტევაში ირჯები. ყოველშემთხვევაში, კანდიდატთა შორის ისიც უნდა მოვიაზროთ. 18 წლის ლევან ხარაბაძეს თბილისის “დინამოში” კარგი სეზონი აქვს და ვინძლო, ახლო მომავალში მისთვისაც გაიხსნეს ეროვნულის კარი. იგივე უნდა ვთქვათ, “საბურთალოს” წევრ ლუკა ლაკვეხელიანზე. აი, ყოფილი დინამოელი და ამჟამად სლოვაკურ “ჟილინაში” მოასპარეზე გიორგი თევზაძე კი, თუ სლოვაკეთში თავს დაიკვიდრებს, რატომაც არა, ნიჭიერი ფეხბურთელია. ბოლოს, უნდა ვახსენოთ ზურაბ ცისკარიძე, რომელიც 2016 წელს ვაისს ჰყავდა კიდეც ნაკრებში და გამოსცადა. თუმცა, მას შემდეგ მისთვის ეროვნული ნაკრების კარი არ გახსნილა. როგორც ჩანს, ვაისის მოლოდინი ვერ გაამართლა, მაგრამ არაა გამორიცხული საჭიროების შემთხვევაში, სლოვაკმა ისევ გამოიძახოს.

ნახევარდაცვა (საყრდენი ზონა)

ვაკო გვილია, ჯაბა კანკავა, გიორგი აბურჯანია, ნიკა კვეკვესკირი – ეს ოთხეული აშკარად გამოკვეთილია დღევანდელი მოცემულობით. თანაც, ვაისი უმეტესწილად, ორი საყრდენით თამაშობს და ორიც სათადარიგო სკამზე სრულიად საკმარისია. ამავე პოზიციაზე თამაში შეუძლია ოთარ კიტეიშვილსაც, რომელიც შეიძლება ითქვას, უკვე ნაკრების წევრია, რომელსაც ფორმაში ყოფნის შემთხვევაში ვაისი ალბათ ყოველთვის გამოიძახებს და ნელ-ნელა სათამაშო დროსაც დაუთმობს. და, ჯანო ანანიძე, რომელსაც ეროვნულ ნაკრებში უთამაშია ამ პოზიციაზე, საკმაოდ კარგადაც. უნდა ვახსენოთ ლუკას ჰუფნაგელიც, რომელსაც უკვე უთამაშია ეროვნულ ნაკრებშიც და ვაისსაც ჰყავდა გამოძახებული. ბოლო დროს მისი საკლუბო კარიერა ვერ განვითარდა სათანადოდ, მაგრამ თუ პროგრესის გზას დაადგება, ადვილი შესაძლებელია მისი იმედიც გვქონდეს. საყრდენი ნახევარმცველია ლაშა პარუნაშვილიც, რომელიც დანიის სუპერლიგაში ირჯება და საკმაოდ კარგადაც. პარუნაშვილი ზედიზედ ორჯერ (ივლის-აგვისტო) კლუბის (“ესბიერგი”) საუკეთესო ფეხბურთელად დასახელდა. მოქმედ ჩემპიონ “მიდტიულანდთან” კი ულამაზესი გოლიც შეაგდო.

ნახევარდაცვა (შემტევი ზონა)

ოთარ კიტეიშვილი აქაც უნდა მოვიაზროთ. სხვა მხრივ, ვაისის განკარგულებაში არიან იგივე ჯანო ანანიძე, თორნიკე ოქრიაშვილი, ვაკო ყაზაიშვილი, გიორგი ჩაკვეტაძე, გიორგი არაბიძე, გიორგი მერებაშვილი, ჯაბა ჯიღაური, გიორგი პაპუნაშვილი – ფეხბურთელები, რომლებიც ნაკრებში სისტემატურად ხვდებიან. თუმცა არის კიდევ რამდენიმე სახე, რომლებიც უცხოეთში წარმატებულად თამაშობენ და ვაისი უკანასკნელ სპარინგებშიც აკვირდებოდა მათ, მაგრამ ერთა ლიგის საწყის ეტაპზე გუნდში არ მიუწვევია.

საბა ლობჟანიძე – დანიური “რანდერსის” ლიდერია უკვე მეორე სეზონია. საბა სწრაფი და ტექნიკური ფეხბურთელია, თანაც უნივერსალი, რომელსაც ორივე ფლანგზე და სხვათა შორის, ცენტრშიც შეუძლია კარგად თამაში.

გიორგი ხარაიშვილი – იგივე უნდა ვთქვათ, გიორგიზე, რომელიც შვედურ “გიოტებორგში” ფეხს დღითიდღე იკიდებს. ხარაიშვილი ძირითადად ე.წ “ტრეკვარტისტას” (გამთამაშებელი) პოზიციაზე მოქმედებს, მაგრამ შვედეთში ბოლო დროს მარცხენა ფლანგზეც ხშირად ირჯება.

ლუკა ზარანდია – პოლონური “არკას” ძირითადში ხშირად ვხედავთ და გოლებიც გააქვს. ზარანდია ძალიან ტექნიკური და ნიჭიერი ფეხბურთელია, რომელსაც ნამდვილად დიდი პოტენციალი აქვს. ვაისმა ერთხელ გამოიძახა აქამდე, თუმცა, მაშინ ტრავმამ შეუშალა ხელი და შეკრების გამოტოვება მოუწია. ცალსახაა, რომ უახლოეს რეზერვშიც ისიც მოიაზრება.

რამდენიმე თვის წინ ქართული პასპორტი მიიღო ბექა ვაჩიბერაძემ. ჰუფნაგელისა არ იყოს, მასაც არ აქვს საკლუბო კარიერაში წარმატებები ამ ეტაპზე, მაგრამ ჯერ ახალგაზრდაა და ყველაფერი შეიძლება შეიცვალოს. არ დაგვავიწყდეს, რომ თავის დროზე, ვაჩიბერაძის გზა გაიარა ვაკო გვილიამ – ჯერ უკრაინის ასაკობრივ ნაკრებებში ითამაშა და მერე საქართველოს. გვილია კი რამდენად მნიშვნელოვანი ფიგურაა დღეს “ჯვაროსნებისთვის” დიდი ახსნა-განმარტება არ სჭირდება. შესაძლოა, ვაჩიბერაძის შემთხვევაშიც ასე მოხდეს და ეს ნამდვილად არ გვაწყენდა... ბოლოს გაფართოებულ შემადგენლობაში იყო გამოცდილი სანდრო კობახიძეც, რომელის პოლტავას “ვორსკლას” ლიდერია. რაც შეეხება გიორგი ჭანტურიას – რა თქმა უნდა, ის გამოცდილია და ეროვნულ ნაკრებსაც კარგად იცნობს. თუმცა, საკმაოდ მძიმე ტრავმა მიიღო და ამასთან, ვაისი იქამდეც არ სწყალობდა. როგორც ჩანს, სლოვაკმა გიორგი დისციპლინის დარღვევისთვის აითვალწუნა და მას შემდეგ, ეროვნულ ნაკრებში აღარ ეყრდნობა. შეიძლება აკაკი გოგიას მოსაზრებაც, რომელიც გერმანიის II ბუნდესლიგაში წარმატებით თამაშობს, თუმცა, მისთვის ქართული პასპორტის გადაცემა ჯერჯერობით ვერ ხერხდება და შესაბამისად, ამის გარეშე, სურვილიც რომ გვქონდეს, ნაკრებში ვერ ითამაშებს...

თავდასხმა

ბევრი მიიჩვენს, რომ საქართველოს ნაკრებს ყველაზე მეტად ამ პოზიციაზე უჭირს. ლევან მჭედლიძე ტრავმებისკენაა მიდრეკილი და სასურველ ფორმას რამდენად აღიდგენს, ჯერ კიდევ საკითხავია. ამ დროს გამოჩნდა საიმედო გიორგი ქვილითაია, თუმცა, სამწუხაროდ, ბოლო პერიოდში მძიმე ტრავმები მასაც დასჩემდა. არადა, ეს ფორვარდი რომ ფორმაშია, მართლაც გვაქვს სიმშვიდის უფლება. ნიკა კაჭარავა კიდევ ერთი ფორვარდი, რომელსაც ვაისი სისტემატურად იძახებს. მისგან კარგი მატჩები გვახსოვს და ლატვიასთან ჩაგდებული თამაშის გამო ხაზის გადასმა ნამდვილად არ ივარგებს. კაჭარავა თუ ფამაგუსტას “ანორთოსისში” თავს დაიმკვიდრებს და ფორმაში იქნება, ურიგო არჩევანი არ უნდა იყოს.

სხვა მხრივ, ახალ სახეებს რაც შეეხება: კაჭარავას თანაგუნდელია “ანორთოსისში” ბექა მიქელთაძე, რომელიც 21 წლამდე ნაკრების ერთ-ერთი ლიდერია და წესით შორს არ უნდა იყოს ის დღე, როდესაც ვაისისგანაც მიიღებს ეროვნულ გუნდში მიწვევას. მიქელთაძე კვიპროსში ცოტა ხნის წინ გადავიდა და ნელ-ნელა გუნდსაც უშინაურდება. კვიპროსის ჩემპიონატის პირველ ტურში გამარჯვების გოლიც გაიტანა. საქართველოს 21 წლამდე ნაკრების შემტევები გიორგი კოხრეიძე და ვატო არველაძე ალბათ უფრო შორეული პერსპექტივისთვის უნდა მოვიაზროთ. სამაგიეროდ, ვაისის დაკვირვების და ინტერესის კუთხის ქვეშ უკვე უნდა იყოს ავთო ებრალიძე. პორტუგალიის პრიმეირა ლიგის დონის ჩემპიონატში მუდმივი სათამაშო პრაქტიკით ქართველი ფეხბურთელები განებივრებულები მართლაც არ არიან. ებრალიძე კი, ერთ-ერთი მათგანია და თანაც, ჯერ მხოლოდ 26 წლისაა. “შავესის” ფეხბურთელის გამოჩენა უახლოეს პერიოდში მართლაც მოსალოდნელია. მას ეროვნულ ნაკრებში 3-ჯერ აქვს ნათამაშები, თუმცა, ეს 2014 წელს მოხდა.

უნდა ვახსენოთ დავით სხირტლაძეც, რომელმაც ახლახან დანიური “სილკებორგი” დატოვა და კარიერას ტრნავას “სპარტაკში” გააგრძელებს. სლოვაკეთში, ვაისის სამშობლოში და თანაც, ევროპა ლიგის ჯგუფურ ეტაპზე მოსინჯავს ძალებს. სხირტლაძე ვაისს ადრეც ჰყავდა მიწვეული და ავსტრიასთან (1:2) წაგებულ შეხვედრაში საგოლე პასიც გააკეთა. სლოვაკი სპეციალისტი კარგად იცნობს ბაჩო არაბულის შესაძლებლობსაც, რომელიც რამდენჯერმე მიიწვია და ამხანაგურ შეხვედრებში დაეყრდნო კიდეც. 24 წლის შემტევი ამჟამად უნგრული “პუშკაშ აკადემიის” ღირსებას იცავს და მიმდინარე სეზონში გოლის გატანა უკვე მოასწრო.

რა თქმა უნდა, ზემოხსენებული ნუსხა პირობითია და ძალიან ადვილი შესაძლებელია, რომ ნებისმიერი დროს გადაიხედოს. საქართველოს ნაკრების კარი ყველასთვის ღია უნდა იყოს და თუ ვინმე თავს სათანადოდ გამოიჩენს, ისეთ დონეზე, ევროპის ჩემპიონატზე მოხვედრის პრეტენზიის მქონე გუნდს რომ შეეფერება, დავწერთ, ვეცდებით საჭირო ყურამდე მივიტანოთ ინფორმაცია. ამასთან, შესაძლოა, დღეს ვინმე არ თამაშობდეს ისეთ ფეხბურთს, რომელიც ნაკრებს შეეფერება, მაგრამ პროგრესი განიცადოს და ხსენებულ სიმაღლეს მიაღწიოს. ბუნებრივია, მისთვისაც უნდა გაიღოს საქართველოს ნაკრების კარი.

საბოლოო ჯამში კი რა თქმა უნდა, ყველაფერი ვლადიმირ ვაისის და მისი სამწვრთნელო შტაბის გადასაწყვეტია...

Loading...

კომენტარები (22)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
15:23 | 20.09.2018
kobaSP (4425)

საკმაოდ ანალიტიკური სტატიაა.
ნუ, კამათი და მაგალითებად (ან ვარიანტებად) ყველა ფეხბურთელის მოყვანა შეიძლება.
არ გამორჩენია ავტორს არავინ. უბრალოდ მართლაც ყველაზე პოპულარული სპორტია და ფეხბურთელებიც მრავლად არიან აქა-იქ მიმოფანტულნი.
სწორადაც აღნიშნა ბოლოს: "ვეცდებით დავწეროთ და საჭირო ყურამდე მივაწვდინოთ ინფორმაციაო"
უბრალოდ ყველას ვერ ჩამოთვლი და ძირითადი ითქვა... არა მგონია არ ფლობდეს ვაისი ინფორმაციას იმავე გრიგალავასა და კუციაზე (ან ქოჩორისვილზე და სხვებზეც) და საჭიროების შემთხვევაში დაუძახებს.
ხარისხით უკმაყოფილო ვარ მეც, მაგრამ ესეც უფორმობის ბრალია და არაა ჩვენი ნაკრები სასურველ ფორმაში და რეალურად რო ვთქვათ, ამ "უფორმობით" და ძირითადის ფეხბურთელთა არ ყოფნით, ნამდვილად არ ვართ ის გუნდი ჯერ, რომ ლატვიას 2 თავით ვჯობდეთ და მათი "ავტობუსი" ადვილად გადავაგოროთ.
არაუშავს, მთავარი ტაბლოა. შედეგი მიღწეულია (ამ კონკრეტულ მატჩებში- მაქსიმუმი!) და ბიჭებიც ნელ-ნელა შევლენ ფორმაში. დაგვიბრუნდება ანანიძე, (დამეთანხმებით დიდი ძალაა საქართველოს ნაკრებისთვის) ათამაშდება მჭედლიძეც, მოუმატებს კაჭარავაც, მიქელთაძეც... ქვილითაიაც მოირჩენს ტრავმას... უფრო მეტად მოტივირდეს ებრალიძეც და მაშინ, როდესაც უკვე ფლეი-ოფები და ფინალი გვიწევს (გაისად გაზაფხულეზე) ჯერჯერობით გამოკვეთილ მეტოქეს მაკედონია იქნება ეს, კოსოვო თუ ლუქსემბურგი, ყველას დავამარცხებთ!
გფარავდეთ უფალი ყველას და წარმატებები ჩვენ ნაკრებს!

07:21 | 18.09.2018
Andrinio (5)

Vaxtang chanturishvils rasnerchit trmavas chempionobashi ramxela wclili shejtanaa.ravici wesit unda moiazrebodes rezervad mainc

22:17 | 17.09.2018
mjgiri (3577)

ხარაკირი
შევჩემ კი არა,შენ ისწავლე კითხვა ხალილზადე რანაირი ქართველია?

21:58 | 17.09.2018
echviani (1657)

არ ჩამოუთვლია? ერთი მაგათგან ფეხბურთს ვინ თამაშობს? დაცვის ცენტრია და დირკაა. პლანგები დაცვაში კიდე უარესი. კაკაბაძე სულ წინ გარბის ამ დროს დაცვაში პოზოციის არჩევა არ შეუძლია, არც ბურთის წართმევა, ვერც კორპუსს აყენებს. რა კაჭარავა, ტიპი აზრზე არ არი. თავიდან დალტონიკი მეგონა, ისე ეხმარებოდა ლატვიას. ჩამოგვითვალა აქ გვარები. ეგრეა შარანგია ვათამაშოთ ან ჭიჭინაძე. ვახვახიშვილი ხომ სულ დაგლიჯავს. როცა აზრზე არ ხარ ფეხბურთის და თამაში ფლავის ჭამა გგონია, იმიტომაც იწერება ესეთი სტატიები.

22:18 | 17.09.2018
mjgiri (3577)

არ გვყავს ჩვენ ნესტა და მალდინი, რას ვიზამთ

21:53 | 16.09.2018
levani82 (41410)

შენგელიამ რა კაი გოლი გაიტანა

17:29 | 16.09.2018
lagashi (3101)

გრიგალავას ადგილი ნამდვილად არ გამოიძებნება დაცვაში მაგრამ ამ სტატიაში რომ გეხსენებინათ კი იმსახურებს, იმაზე მეტი მატჩი კი აქვს ნაკრებში ჩატარებული ვიდრე ზოგიერთ ახალგაზრდა ძირითადის ფეხბურთელს, პლიუს რუსეთის პრემიერლიგაში მუდმივად თამაშობს.

23:16 | 15.09.2018
chamilo (33415)

Shevche კაჭარავას შემდეგ ყველაზე სუსტი ნავალოვსკი იყო,კაკაბაძესაც არ ჰქონია კარგი თამაშები,თუმცა დაცვაში არ იყო ცუდი მაგრამ ის განსხვავებაა რომ კაკაბაძეს რესურსი ვიცით და აუცილებლად მოუმატებს,აი ნავალოვსკის კი წლებია რეგრესი აქვს,გულით თამაშობს მაგრამ რაც ხიფათი იქმნებოდა,მისი ფლანგიდან ხდებოდა ხან ჩამოსვლას ვერ ასწრებდა და ხან პოზიციურად ცდებოდა და მეტოქე ჯაბნიდა,ამ ეტაპზე ცენტრ ფორვარდი და ფლანგის მცველი პრობლემატურია

23:38 | 15.09.2018
Shevche (14260)

გეთანხმები

21:51 | 15.09.2018
O. Mertskhali (3099)

მე არ ვამბობ, რომ გრიგალავა მომწონს და მისი ნაკრებში თამაშის მომხრე ვარ, უბრალოდ რაღაც პრინციპები უნდა არსებობდეს და არ შეიძლება ვინმეს დაიგნორება, რადგან ის არ მოგწონს, რაღაც მიზეზის გამო. გრიგალავა თამაშობს იმ ჩემპიონატში, რომელზე ძლიერ ჩემპიონატშიც ქართველი ფაქტიურად არ თამაშობს და თამაშობს სტაბილურად 90 წუთს... ეს დაახლოებით იგივეა, ვინმე, ქართველი, ინგლისის პრემიერლიგაში რომ თამაშობდეს და ჩვენ უბრალოდ არც ვახსენებდეთ, რადგან არ მოგვწონს და ვთვლით რომ ნაკრების ძირითადს არ იმსახურებს - როცა ჟურნალისტი მსგავს სტატიას წერს, ასეთი რამე არ უნდა მოუვიდეს.. თუ რახან რუსეთი არ გვევასება, ასეთი ფეხებზე დაკიდებები მოსულა?!

01:35 | 16.09.2018
despe (3285)

პირიქით, სპორტულმა ჟურნალისტებმა უნდა გააკრიტიკონ ფეხბურთელები, მწვრთნელები, სპორტული დირექტორები, მფლობელები და ა.შ. რათა წინ წაგვწიოს ამან. ფეხბურთელი თუ სუსტია საფეხბურთო თვალსაზრისით, მისი კრიტიკაც უნდა ითქვას და იგნორიც ჩაერტყას! მიუხედავად იმისა თუ სად თამაშობს. ძველი "კამანდა" ძლივს მოვიშორეთ და ახლა თავიდან დასაწყებად ნუ მივექაჩებით. საქართველოს ნაკრებს ნამდვილად არ აქვს იმის ფუფუნება რო ზედმეტი ფეხბურთელებისთვის გააღოს კარი. მითუმეტეს, როცა ისედაც ვართ უკმაყოფილონი მოქმედი ნაკრების შემადგენლობიდან რამდენიმე ფეხბურთელის გამოძახებით.

02:03 | 16.09.2018
O. Mertskhali (3099)

კრიტიკა სხვაა და იგნორი სულ სხვა. კრიტიკას მეც ვემხრობი, მაგრამ ამათი (მარტო ამ გაზეთს, არ ვგულისხმობ) გაკრიტიკებული ვინმე გინახია? )
იგნორი კი, ჩემის აზრით, მიუღებელი საქციელია

22:04 | 15.09.2018
Shevche (14260)

ცენტრალურ მცველად, მგონი, უკეთესი ფეხბურთელები გვყავს.
აი მარცხენა მცველად არ ვიცი. ნავალოვსკი ძალიან არ მომწონს. დაცვაში ხომ ძალიან სუსტია და იდეაში, ვითომ შეტევაშია ძლიერი, ამ დროს იქაც უსუსტესია. იმდღეს სტატისტიკას ვნახულობდი სოქერვეის აპლიკაციაში და ლატვიასთან მატჩში Crosses(ჩაწოდება) ყველაზე მეტი ჰქონდა ნავალოვსკის 11 და აქედან 1 იყო მხოლოდ იყო ზუსტი და 10 არაზუსტი.
გამოდის რომ მისი ჩაწოდებების 91% არაზუსტია. ამ დროს ფლანგის მცველის ერთ-ერთი უმთავრესი საქმე შეტევაში სწორედ ესაა.
ისე, ყაზახეთის მარცხენა მცველი, შომკო - როგორ სახიფათოდ აწვდიდა, თუ დააკვირდით.

22:19 | 15.09.2018
O. Mertskhali (3099)

ხო, იმდენს დაცინიან ჩვენთან ინგლისელებს და სკანდინავიელებს (ჩემი ჩათვლით), მაგათი ფეხბურთი მარტო ჩაწოდებააო, რომ მგონი, ჩვენს ფეხბურთელებს ჩაწოდება საერთოდ არ მიაჩნიათ ფეხბურთის დადებით ელემენტად DDDD
მარტო ნავალოვსკი არ მგონია მაგაში, ბრალში: ზოგადად, ჩაწოდებების დროს, ჩვენს შემტევებს თუ დავაკვირდებით, დავინახავთ, რომ ისინი სულ არ აპირებენ ჩაწოდებული ბურთის პირდაპირ კარში გადაგზავნას ))

23:35 | 15.09.2018
Shevche (14260)

ჰო, ნუ კაჭარავას სიმაღლის კაცი ცოტა მეტ ბურთს უნდა იგებდეს მეორე სართულზე, მაგრამ ისიც სათქმელია, რომ ყველა ჩაწოდებული ბურთი არასწორი ტრაექტორიით და არასწორი მიმართულებით მიდიოდა

21:00 | 15.09.2018
ხარაკირი (7090)

იმას რატო არავინ წერს აზრებს ქართველი რომ ყავთ ????????? თან ესეთ რთულ პოზიციაზე ჩვენთვის და რაც ვნახე საკმაოდ კარგი მარცხენა მცველია მალტასაც გაუტანა .....

21:56 | 15.09.2018
Shevche (14260)

Təmkin Xəlilzadə რანაირი ქართველია?

22:14 | 15.09.2018
ხარაკირი (7090)

Khalilzade T ეხლა დავაკოპირე კითხვა ისწავლე.....

23:31 | 15.09.2018
Shevche (14260)

რა მიმართვაა ეგ?? რამდენი წლის ხარ? უცხო ადამიანს მასე რომ არ უნდა მიმართო, მაგდენი არ იცი????
ან კითხვის ცოდნა რა შუაშია, დავაკოპირე სახელი და გვარი, ვერ ხედავ რომ ხალილზადე წერია და არა ხალილზაძე?! აზერბაიჯანელებს აქვთ ხოლმე მასეთი დაბოლოება!

20:39 | 15.09.2018
despe (3285)

2-3 ფეხბურთელი გასაცხრილია კიდე მოქმედი ნაკრების ფეხბურთელებიდან.

მიუხედავად იმისა, რო ვაისზე მაინც არ ვარ დადებითად განწყობილი, თქვენ წარმოიდგინეთ ახლა რო ქეცბაია გვყოლოდა მწვრთნელად რა "სასტავი" გვეყოლებოდა კიდე

მაგის ხელში 6 ქულა ახლა ნაღდად არ გვექნებოდა.

20:30 | 15.09.2018
verski (199)

რა გრიგალავა იმედია ხუმრობ ძმაო.

17:15 | 15.09.2018
O. Mertskhali (3099)

გრიგალავა რატომ დაიკიდეთ, ამ ბოლო დროს, ჟურნალისტებმა?!

22:35 | 15.09.2018
BEERTRANCE (97819)

ჩაიარა მაგის მატარებელმა

20:23 | 15.09.2018
despe (3285)

ლობჟანიძე ხო არ დავაბრუნოთ კიდე ნაკრებში და თავდასხმაში კიდე დვალიშვილი? ხიზანას შევთხოვოთ კიდე დიდ ფეხბურთში დაბრუნება და ეგრევე ნაკრებში გამოიძახონ

18:40 | 15.09.2018
salazar (1468)

ძალიან დაბალი დობის ფეხბურთელია. ფიზიკურად ძლიერია და ვსო, მეტი პლუსი არ აქვს. საერთოდ ვერ აზროვნებს და პასის კულტურა 0.

17:34 | 15.09.2018
deqstera_best_7 (1774)

ეგ უნდა დამეწერა , ხუბუტიამ ჭე ლიგაშია მესმის და ცენტრშიც არგვაქვს პრობლემები, მაგრამ გრიგალავაზე მიკვირს რუსეთის პრემიერლიგაშია სხვა თუ არაფერი და ალბათ რამე სხვა პრობლემა აქვს

16:55 | 15.09.2018
deqstera_best_7 (1774)

despe
კუცია ჯერ პატარაა და დინამოში უნდა დაიმკვიდროს თავი კი არა უდაოდ ლიდერი უნდა გახდეს ნაკრებში შანსი რომ გაუჩნდეს... დღეს კუციაზე წინ ცინცაძე დგას (ჩემი აზრით პარუნაშვილის მაგივრად ის უნდა იყოს ამ სიაში), იგივე კიტეიშვილს შეუძლია საყრდენად თამაში, ხარაიშვილის ჩამოწევა შეიძლება.. ასე რომ დღევანდელი მოცემულობით არჩევანი დიდია სანამ კუციამდე მივლენ (იგივე გამოცდილი გოგუა)...

20:21 | 15.09.2018
despe (3285)

დინამოში არა მგონია ვინმე ჯობნიდეს მის პოზიციაზე, მერე კიდე პლიუსი აქვს ასაკში და უფრო განვითარდება. ცინცაძის თამაში არ მომეწონა ამ ევროასპარეზზე, უფრო ნიჭიერი ფეხბურთელი მეგონა. კიტეიშვილი და ხარაიშვილი გასაგებია, მაგრამ მათი მთავარი პოზიცია არ არის ეგ და შემტევი სტილის ფეხბურთელები არიან. გოგიტა გოგუას მატარებელმა ჩაიარა უკვე, ჩემი აზრით, ეროვნული ნაკრები ალბანეთიდან, ლატვიიდან (ყაზახეთში გუნდს გააჩნია) და მსგავსი ქვეყნის ჩემპიონატებიდან ფეხბურთელებს არ უნდა იძახებდეს. იმას ვიძახი, რო ხსენებით მაინც უნდა მოვიხსენიოთ კუცია კონტიგენტში, სხვა ზემოხსენებულ ნიჭიერ მოთამაშეებთან ერთად.

16:57 | 15.09.2018
deqstera_best_7 (1774)

ნიჭი აშკარად აქვს, მაგრამ ბევრი უნდა იშრომოს პროგრესისთვის

14:53 | 15.09.2018
despe (3285)

გიორგი კუცია????

ძლიერი ჩამშლელი იყო 19 წლამდელთა ჩემპიონატზე და ვფიქრობდი რო კანკავას შემცვლელი ვიპოვეთ - მეთქი

არ არის ეგ ბიჭი ჩამოსაწერი..

ქოჩორიშვილი არ დაგვავიწყდეს ჟირონას მეორე გუნდიდან, მგონი ეგეც ცენტრალური ნახევარმცველია.

15:18 | 15.09.2018
salazar (1468)

კუციამ მართლა კარგი შთაბეჭდილება დატოვა, მაგრამ დისწიპლინის პრობლემა ჰქონდა. თან ეგეთი ისტერიჩკა ფეხბურთელი მეორე არ მინახავს. იმედია ასაკის ბრალი იყო და დაღვინდა ცოტა

15:00 | 15.09.2018
levani82 (41410)

თავდამსხმელებისგან განსხვავებით ნახევარდაცვაში არ გვიჭირს

15:16 | 15.09.2018
despe (3285)

ნახევარდაცვის ცენტრში მაინც გვიჭირს რესურსის მხრივ, კანკავა და გვილია რო დაგვემტვრეს, კვეკვესკირის და აბურჯანიას შემცვლელი საჭირო გახდება.

ამიტო არ უნდა დავივიწყოთ კუცია, ერთ-ერთი საუკეთესო იყო ევროპის ახალგაზრდულ ჩემპიონატზე.

15:21 | 15.09.2018
levani82 (41410)

ამ ორ ხაზს თუ შევადარებთ ნახევარდაცვა უფრო წინაა ვიდრე წინა ხაზი

15:28 | 15.09.2018
despe (3285)

მაგრამ ცენტრს უნდა მიხედონ, ისევე, როგორც თავდასხმას.

14:43 | 15.09.2018
chamilo (33415)

ცენტრ ფორვარდი ყველაზე პრობლემატურია და არც ჩანს საშველი,შემტევების დეფიციტია

14:36 | 15.09.2018
oddsshacke (171)

მჭედლიშვილი და შარგელაშვილი არის კარგი ვარიანტი დაცვაში შემცვლელად. ქიმაძე და თევზაძე რეზერვი.... ფარუნაშვილს და ჰუფნაგელს უნდა მიეცეს შანსი ნახევარდაცვაში. საბა ლობჟანიძე და ხარაიშვილი შეტევაში გამოგვადგებოდა თავდასხმაში არაბული. ზივზივაძეც შეიზლება რეზერვში.

14:35 | 15.09.2018
levani82 (41410)

salazar
ტვილდიანი თელავშია

14:01 | 15.09.2018
irakli111 (135)

ფაქტია პროგრეს განვიცდით სანაკრებო დონეზე ამდენი კარგი ფეხბურთელი არ გვყოლია ძალიან დიდი ხანია და ამხელა კონკურენცია არ გვქონია რამდენი ხანია უკვე მთავარია არ გავჩერდეთ და ფეხი არ დაგვიცდეს და ევროპაზე თუ გავალთ იქ ჯგუფიდან გასვლის შანსიც გვექნება დარმწუნებული ვარ ნუ რათქმაუნდა ჯგუფსაც გააჩნია იმედია გაგვიმართლებს და ერთად პორტუგალია და ბელგია არ მოხვდებიან ჩვენთან ან რაიმე სმგავსი არ მოხდება იმედია

14:00 | 15.09.2018
irakli111 (135)

უახლოეს მომავალში ლაკვლეხელიანი და ხარაბაძე მოხსნიან დიდი იმედი მაქვს მარცხენა მცველის პრობლემას მარჯვნის კიდე იმედია მჭედლიშვილს დააკვირდება ვაისი და ზამენისთვის მშვენიერი იქნება და ფლანგის მცველების პრობლემაც უკვე მოიხსნება და პრობლემური პოზიცია აღარ გვექნება

13:31 | 15.09.2018
juria (393)

19 წლამდელებში რო იყო ლაკვეხელიანი მარცხენა მცველი კაი ბიჯი იყო მაგის გამოძახებაც შეიძლება

13:34 | 15.09.2018
salazar (1468)

მოუკლო ალბათ, არც 21-წლამდელებში არ იძახებენ. ყველაზე მეტად მაგის იმედი გვქონდა.

13:38 | 15.09.2018
სავაშა__ (6427)

არ მოუკლია, მაგრად თამაშობს. ასევე, მაგ პოზიციაზე ხარაბაძე, ძალიან მაგარი ბიჭია იმედია ევროპაში წავა მალევე.

13:45 | 15.09.2018
salazar (1468)

თუ მაგრად თამაშობს რა ლოგიკით არ იძახებენ 21-წლამდელებში? საუკეთესო იყო 19 წლამდელებში ჩაკვეტაძესთან ერთად, თან ერთი ფლანგია, კარგად უგებდნენ ერთმანეთს. გამოიძახონ, მოამზადონ ეროვნულისთვის, რეებს აკეთებენ ამ ასაკობრივებში ვერ გავიგე რა..

13:17 | 15.09.2018
salazar (1468)

რომ არა ტრავმები და დისწიპლინასთან დაკავშირებული პრობლემები - ჭანტურა ფორვარდად მაგრად გამოგვადგებოდა. ყენია.. : ) ჯობდა ლოკომოტივში დარჩენილიყო, აქ უფრო ვნახავდით რისთვის არის მზად და რისთვის არა. ისე ხო ყავდა ვაიის გამოძახებული, სლოვაკეთთან? და კარგი გოლიც შეაგდო.
თარგამაძე - შემტევ ხაზში ყველა ერთი სტილის ფეხბურთელი გვყავს, ტექნიკურები არიან, 1-2 შორიდანაც კარგად ურტყამს, მაგრამ ვერ ვიტყვი, რომ ცარიელ სივრცეებს სწრაფად ითვისებენ, თაგვი მაგრად გამოგვადგებოდა, ბურთითაც, უბურთოდაც ძალიან მაგარი იყო, ჩვენი ნაკრების ლიდერი იყო ბოლო ბოლო.. დავკარგეთ ეგეც.

ბოლოს როგორც ვიცი ქურდები ფულს თხოვდნენ უკრაინაში და დაიკიდა ყველაფერი. იქ ომიც დაიწყო.. ისა-ესა.. მოუსპეს კარიერა. არადა დაგვხატავდა.

ტვილიდიანი სად არის? გახსოვთ 17-წლამდელების კაპიტანი? მარცხენა მცველი, მარჯვნივაც საკაიფოდ თამაშობდა. რას შვება ეხლა ხო არ იცით?

ან კვარაცხელია რატო არ იყო 21-წლამდელებში? მაგ ბიჭს მგონი უკვე მაგრად დააგვიანდა უცხოეთში გადასვლა. არადა ძალიან ნიჭიერია.

13:41 | 15.09.2018
სავაშა__ (6427)

ხვიჩა კვარაცხელიაზე ამბობ? 17 წლის არის, რა დააგვიანდა წელს რუსთავში დაამტკიცოს, როგორც ჩაკვეტაძემ დინამოში და 18 წლის უკვე წავა უცხოეთში

13:39 | 15.09.2018
Shevche (14260)

ჭანტურიაზე მეც ვფიქრობ, რომ საუკეთესო ვარიანტი იყო თავდამსხმელის პოზიციაზე

11:16 | 15.09.2018
deqstera_best_7 (1774)

ლობჟანიძე-ვაჩიბერიძე-ჰუფნაგელის გვერდზე ჩემი აზრით ჭანტურიშვილის ხსენებაც შეიძლებოდა ვთვლი რომ ცალკე ერთ-ერთი შეიძლება ძირითად სასტავთან ათამაშო, მაგრამ ამ ყველას ერთად შეშვება დამღუპველია

სარეკლამო ადგილი - 20
250 x 188
სარეკლამო ადგილი - 22
250 x 250
0.137476