ძიუდო

16:10 | 14.09.2018 | ნანახია 1303 - ჯერ

3 ქართველი ფინალშია!

ბულგარეთის ქალაქ სოფიაში მიმდინარე ევროპის ახალგაზრდული ჩემპიონატის მე-2 დღე ბარაქიანად მიმდინარეობს ქართველი ძიუდოისტებისთვის. 81 კგ-მდე წონითი კატეგორიის ფინალში ერთმანეთს ლუკა მაისურაძე და ტატო გრიგალაშვილი დაუპირისპირდებიან, გოგონათა 57 კგ-ში ოქროს მედლისთვის ეთერ ლიპარტელიანი იბრძოლებს, მარიამ ჭანტურიას (70 კგ.) კი ბრინჯაოს აღების შანსი აქვს.

მაისურაძემ ფინალამდე ბოსნიელ ვუკ ელეზს, ესტონელ ასლანბეგ მაგომედკერიმოვს, პორტუგალიელ მიგელ ალვესსა და იტალიელ კრისტიან პარლატის აჯობა, ხოლო გრიგალაშვილმა გერმანელი ემილ ჰენებახი, ჰოლანდიელი იან რეინტიენსი, უნგრელი რობერტ რაიკაი და აზერბაიჯანელი მურად ფაიტიევი დაამარცხა.

სასიამოვნოდ გაგვაოცა ლიპარტელიანმა, რომელმაც დილის სესიაში 4 გამარჯვება იზეიმა. ქართველმა გოგონამ გზიდან მაკედონიელი ბერნა შერიფოვსკა, ბრიტანელი ასელია ტოპრაკი, გერმანელი კაროლინ ფრიტცე და ფრანგი მარილინ ლუის სიდნეი ჩამოიცილა და თანაც, ყველა მათგანს საქმე ვადაზე ადრე მოუთავა. ფინალში ლიპარტელიანის მეტოქე ფრანგ სარა ლეონიე კისკესა და სერბი მარიკა პერიშიჩს შორის უმჯობესი იქნება.

ამავე წონაში მზია ბებოშვილმა ავსტრიელ ლისა გრაბნერს აჯობა, თუმცა, მერვედფინალში ხსენებულ სერბ პერიშიჩთან დამარცხდა და შეჯიბრს გამოეთიშა.

ჭანტურიამ ევროპირველობაზე ბერძენ არისტეა-იოანა დიმუსა და მონტენეგროელ იოვანა პეკოვიჩს აჯობა, მეოთხედფინალი კი ჰოლანდიელ მარგიტ დე ვოოგდთან წააგო. ამგვარად, მარიამი რეპეშაჟში გადაერთო, სადაც შვედი იდა ერიკსონი დაჯაბნა და საღამოს სესიაში ტურნირის მე-3 ადგილისთვის იბრძოლებს.

Loading...

კომენტარები (7)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:22 | 15.09.2018
BEERTRANCE (97819)

იმედის მომცემი თაობა, იმედია დღევანდელი ჭუჭყი გაუვლის ძიუდოს ესენი რო ძირითად ნაკრბში მოხვდებიან

18:27 | 14.09.2018
beso68 (2887)

დღეს კარგი დღე გვქონდა, 5 მონაწილიდან 4 მედალს შესწვდა. გუშინდელი მე-11 ადგილიდან მე-4 ავიწიეთ. ხვალინდელი დღის იმედი მაქვს, რომ უფრო გავაუმჯობესებთ შედეგებს

18:19 | 14.09.2018
G.G.G (159)

ძაან კარგი თაობა მოდის! კარგი პირობებია ამათთვის საჭირო რო დიდებშიც ესეთი დომინანტები იყვნენ. ახალ ფედერაციაზე და მათ საქმიანობაზე ბევრი რამ იქნება დამოკიდებული.
არანაკლებ შედეგს ველოდები ხვალ და ამის საფუძველიც გვაქვს!

პს. იმედია ზვიადაური არ მოვა პრეზიდენტად და "სასტავი" ბოლომდე არ ჩასვრის საქმეს ძიუდოში

17:07 | 14.09.2018
kiniko (24)

ცარმატებები ახალგაზრდა ლომებო აქ ნეტა როგოა გუნდური როგორც დიდებში იკო მერე რო დანიშნეს ტუ ზეგა

17:13 | 14.09.2018
beso68 (2887)

ზეგ იქნება გუნდური

16:58 | 14.09.2018
sanzona (1427)

როგორც იქნა დაადგა საშველი. დანიშნეს ფედერაციის პრეზიდენტის არჩევის დღე - 24 ოქტომბერი https://l.facebook.com/l.php?u=http%3A%2F%2Flelo.ge%2Farticle%2F%25E1%2583%2592%25E1%2583%2590%25E1%2583%2598%25E1%2583%25A0%25E1%2583%2599%25E1%2583%2595%25E1%2583%2590-%25E1%2583%25A0%25E1%2583%259D%25E1%2583%2593%25E1%2583%2598%25E1%2583%25A1-%25E1%2583%2590%25E1%2583%2598%25E1%2583%25A0%25E1%2583%25A9%25E1%2583%2594%25E1%2583%2595%25E1%2583%2594%25E1%2583%259C-%25E1%2583%25AB%25E1%2583%2598%25E1%2583%25A3%25E1%2583%2593%25E1%2583%259D%25E1%2583%25A1-%25E1%2583%25A4%25E1%2583%2594%25E1%2583%2593%25E1%2583%2594%25E1%2583%25A0%25E1%2583%2590%25E1%2583%25AA%25E1%2583%2598%25E1%2583%2598%25E1%2583%25A1-%25E1%2583%259E%25E1%2583%25A0%25E1%2583%2594%25E1%2583%2596%25E1%2583%2598%25E1%2583%2593%25E1%2583%2594%25E1%2583%259C%25E1%2583%25A2%25E1%2583%25A1-8322&h=AT0RByaztoidIb5aQcOpLGS20ubBFs6tZ9EulHHexTQp_7X5p8-p8cq5cO3r-K1hW4y59jjdvv1_AP2TIq5kjN7BRYyXs_q0nBBTQSK60O8v7IBYz8cz26wWIq3g0x3wQKAYetIae_YH4qukysIYVWtpvvkn0wWZIQvxQGvKSqA_dqRrFAcv1fbF3rweA5jagtzKdZYcQ8mNzluX-OrSmxkPlyMifRy2LUFmvNDIKvBprNTwf-5pfpMriCL2rR-FBodnKWACqlpXnEPqitUc3XIxXq_e0JYSCCZRSAvc8nzA_lUga03hSSSdvKVnf2TbjH3veS1m7qjq5l3d2mMbfPgLH2Kena0KPgO0JfVny0LRyWsxN-ZeUaHroK3CMVT_c7qz6rTpZb0jwraGHNku2RMGbDh1T32L4e5653tl7UrVGLmU1eJaCQjUmV5p4fLjXTAMYgZLauLD0eovEpDsTKI

16:38 | 14.09.2018
sanzona (1427)

ყოჩაღ ტატოს და ლუკას, მაგრამ ჩემი აზრით ტატო ადრე უფრო ეფექტურად ჭიდაობდა, ერთი თავით მაღლა იდგა ხოლმე მეტოქეზე/ ყოველ შემთ[ვევაში მომატებული არა აქვს. აი ეთერის კი მოუმატია და მისგან ფინალში გასვლას არ ველოდი. ჭანტური ჯანიანი და ტექნიკური გოგოა, ძალიან ვქომაგობ მაგრამ ორ წუთში თუ არ დააიპონა მეტოქე მერე იღლება და უჭირს ჭიდაობა. ბებოშვილის რეგრესი კი მესამე წელია გრძელდება და საიმედო ჯერ არაფერი სჩანს

16:35 | 14.09.2018
UXXUCES (63)

კაი ტაობაა მომცონს დზალიან გრიგალაშვილის ჩიდაობა ლიპარტელიანს საგრდზნობლად აქვს მომატებული მადლობა მას და ცარმატებები

სარეკლამო ადგილი - 20
250 x 188
სარეკლამო ადგილი - 22
250 x 250
0.079039