კალათბურთი

1:45 | 14.09.2018 | ნანახია 2990 - ჯერ

საბერძნეთი და გერმანია მაქსიმალურ შედეგს ინარჩუნებენ

მსოფლიოს 2019 წლის ჩემპიონატის შესარჩევი ციკლის L ჯგუფში, სადაც საქართველოს ნაკრებმა ისრაელს 85:80 სძლია, კიდევ 2 მატჩი შედგა.
ცენტრალური შეხვედრა კუნძულე კრეტაზე გაიმართა. ჰერაკლიონის “დიო აორაკლიაში” მასპინძელი საბერძნეთი სერბეთს დაუხვდა და 70:63 სძლია, რითაც საკვალიფიკაციო ტურნირში დაუმარცხებელი გუნდის სტატუსი შეინარჩუნა.

ტანასის სკურტოპულოსის შეგირდთაგან ყველაზე შედეგიანები ნიკ კალატესი და გეორგიოს პრინტეზისი იყვნენ 15-15 ქულით, კონსტანტინოს სლუკასმა 11 ქულა ჩააგდო, ვეტერან იოანის ბურუსისს კი ორმაგ დუბლამდე ცოტა დააკლდა – 9 ქულა, 10 მოხსნა.
სერბები ბერძნებს მოხსნებსა (35:41) და პასებში (14:19) ჩამორჩნენ. საშა ჯორჯევიჩის მიერ გაწვრთნილ გუნდში საუკეთესო ბოგდან ბოგდანოვიჩი იყო 19 ქულით, სტეფან იოვიჩმა 11 ქულა ჩააგდო, ნემანია ბიელიცას კი ორმაგ დუბლამდე 1 ქულა დააკლა – 9 ქულა, 12 მოხსნა.
სერბეთის ეროვნულმა ნაკრებმა შესარჩევ ციკლში უკვე მე-3 მარცხი განიცადა და საქართველოსა და ისრაელს მხოლოდ თითო გამარჯვებით უსწრებს, საბერძნეთი კი მაქსიმალურ შედეგს ინარჩუნებს. ელადელთა აქტივში უკვე 7 მოგებაა და ისინი ჯგუფს გერმანელებთან ერთად ლიდერობენ.
გერმანიის ნაკრებს გაცილებით იოლი მატჩი ჰქონდა, რადგანაც ტალინის “საკუ სუურჰალში” ესტონელებს ესტუმრა და 86:43 გაანადგურა. ჰენრიკ პრიოდლის შეგირდებს ყველა კომპონენტში უპირატესობა ჰქონდათ, მათი ლიდერობა კი ნბა-ში გამობრძმედილმა დენის შრიოდერმა იკისრა. მისი მონაგარი 18 ქულა, 6 მოხსნა და 10 პასი იყო.
12 ქულა და 8 მოხსნა მიითვალა დანილო ბარტელმა, მაიკ ზირბესმა ასევე 12 ქულა ჩააგდო, მაქსიმილიან კლებერის მონაგარი კი 11 ქულა გახლდათ. ესტონელთა მხრიდან 7-ქულიან (!) ზღვარს ერთადერთი კალათბურთელი ასცდა: რაინ ვეიდემანმა მატჩი 14 ქულით დაასრულა.
L ჯგუფში მომდევნო ტურის მატჩები 16 სექტემბერს შედგება: საქართველო თბილისში საბერძნეთს უმასპინძლებს, გერმანია ლაიფციგში ისრაელს დაუხვდება, ხოლო ბელგრადში სერბეთისა და ესტონეთის შეხვედრაა დაგეგმილი.

Loading...

კომენტარები (9)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
18:35 | 14.09.2018
dubligi23 (598)

თყ ჩვენ მოვიგეთ მეორე ეტაპზე 6-დან-6...და ზუროსს და ჩვენ ბერძნები დაგვეხმარნენ,,შანსი არის თუმცა ამ შემთხვაში ერთნაირი მოგებ-წაგებები გვექნება...თუ მოვიგეთ 6-დან 5, მაშინ სერბებმა კიდე 2 უნდა წააგონ და არ წააგებენ...

14:24 | 14.09.2018
# KoRBeN DaLLaS # (12849)

მე პირადად გასვლის შანსებზე რეალურად ვერ ვფიქრობ და რაღაცეების დაანგარიშებით ვაპირებ კალკულატორის გადაწვას.
ვიცი რომ შანსები არის, მაგრამ თეორიული. სერბეთმა რაც გვიქნა გვახსოვს და ალბათ მათ დაჩაგვრას და ჩვენს დახმარებას კალათბურთის ღმერთი არ იკადრებს
პირველი შესარჩევი ციკლის ჩაგდებამ ფაქტიურად უშანსოდ დაგვტოვა. თუმცა ეს 12 ოფიციალური მატჩიც მშვენიერი ემოცია გამოდგება ჩვენთვის.

15:14 | 14.09.2018
sabonis (8506)

მართალი ხარ შანსი თითქმის არაა, მთავარია რაც სერბებმა გვიქნა ის ბერძნება ვერ გაგვიკეთონ თბილისში მაინც, ბოლომდე ვებრძოლოთ და თუ მოუგეთ ეს უდიდესი ზეიმი იქნება.

14:26 | 14.09.2018
# KoRBeN DaLLaS # (12849)

* არც რაღაცეების დაანგარიშებით ვაპირებ კალკულატორის გადაწვას.

13:58 | 14.09.2018
sabonis (8506)

ევრო 2020-ზე გასვლა, როგორ მოხდება ნეტა კვლავ ასეთი შესარჩევი უნდა გავიაროთ თუ, რორც წინათ იყო?

13:37 | 14.09.2018
kila (473)

კარგით რა, ცოტა რეალურად შევხედოთ. ჯერ საბერძნეთს როგორ მოვუგებთ,ამ პატარა რესურსით,სკამი არ გვაქვს,ზამთრის თამაშებზე ხომ საერთოდ რა შემადგენლობას გამოიყვანს ზუროსი? სერბები კი ესტონეთსაც და ისრაელსაც დაამარცხებენ, მთავარია თამაშის ხარისხი დავხვეწოთ და ყველა თამაში ვითამაშოთ ბოლომდე არა ისე როგორც აქ სერბეთთან,აი ამ თამაშმა ჩაგვტოვა ზუსტად

11:46 | 14.09.2018
ამიკო81 (74)

თუ ურთიერთშეხვედრას ენიჭება უპირატესობა თანაბარი ქულების შემთხვევაში, მაშინ კიდევ არის მცირე შანსი: 1) საქართველომ შინ უნდა მოუგოს საბერძნეთს უფრო მეტი ბურთით, ვიდრე საბერძნეთში წააგებს, 2) შინ ისრაელს და ესტონეთს ორივე თამაში უნდა მოუგოს (რაც სავსებით რეალურია), 3) საბერძნეთმა სერბეთში (ესეც რეალურია) და გერმანიასთან ორივე თამაში უნდა წააგოს (რაც საკმაოდ ძნელი იქნება, მაგრამ არა შეუძლებელი). ყველაზე ადვილი მეორე პუნქტია, ხოლო ყველაზე ძნელი პირველი პუნქტი.

11:36 | 14.09.2018
ამიკო81 (74)

თანაბარი ქულების შემთხვევაში პირველად რომელ კრიტერიუმს ენიჭება უპირატესობა?

10:59 | 14.09.2018
iceman (1924)

ისე ტყუილად გაგვიხარდა ბერძნების მოგება, რალურად სერბეთი 2 თამაშს ნამდვილად არ წააგებს ჩვენ ყველა რომც მოვიგოთ, არადა ბერძნებს რომ წაეგოთ რეალური შანსი გვიჩნდებოდა

11:00 | 14.09.2018
iceman (1924)

ანუ ბერძნებს რომ წაეგოთ სამი მოგებით წინ დარჩებოდნენ და ორივე თამაშსს თუ მოვუგებდით უეჭველი გადავასწრებდით რადგან ჩვენს გარდა სათამაშო აქვთ სერბეთში და 2 მათჩი გერმანიასთან სადაც 1 თამაშს მაინც წააგებდნენ

01:12 | 15.09.2018
BEERTRANCE (97749)

2-ვე თამაშის მოგებას აპირებდი ბერძნებთან?

11:01 | 14.09.2018
iceman (1924)

კაროჩე ერთადერთი შანსია რომ ბერძნებს ორივე მოვუგოთ და პახოდუ სერბეთში უნდა წააგოს და გერმანიასთან 1 მატჩი უნდა წააგონ

11:03 | 14.09.2018
iceman (1924)

და სულაც არ გამიკვირდება სერბეთთან და გერმანიასთან თუ წააგებენენ მაგრამ ჩვენ რომ ორივე მოვუგოთ სასწაულის სფეროა

03:10 | 14.09.2018
iolasha75 (35)

კიდე ერთი რო წააგოს სერბეთმა, გაუხდება 4 წაგება, ჩვენ ყველა დარჩენილი რო მოვიგოთ, რაც ცოტა ფანტასტიკის სფეროს მიეკუთვნება, დაგვრჩება 4 წაგება და მაგ დროს მგონი ურთიერთშეხვედრები წყვიტავს, გინდაც ბურთების შეფარდება წყვიტავდეს, მაინც ვერ ვაჯობებთ. თან საბერძნეთთან 16-ში თამაშის მერე მინიმუმ შენგელია და ჯენინგი არ გვეყოლებიან და თუ მანუ და ბურჯანაძე არ დაგვიბრუნდნენ ძაან გაგვიჭირდება ყველა თამაშში...მაგრამ მიუხედავად ამისა დღეს ბიჭებში ისეთი შემართება ჩანდა , რომ ეტყობა იმედი კიდე აქვთ და სანამ შანსი იქნება ჩვენც უნდა გვქონდეს. ბითაძეს უდიდესი პროგრესი აქვს, თვიდან თვემდე უმატებს და დღესვე ჯობია შერმადინს. ჩემი აზრით მიუხედავად 20 წლამდე ევროპის ჩაგდებისა მამუკელაშვილის არ გამოძახება დანაშაულია, სულ რაღაც ერთი წლის წინ ბიჭი ევროპის ტოპ 3 ნიჭიერ კალათბურთელში შედიოდა 99-ანებში, დონჩიჩის და მუსას შემდეგ, მაშინ ბითაძე მე-8 ადგილზე იყო ამ სიაში და შეიძლება ახალგაზრდული ასაკის გამო რაღაც ჩავარდნა ქონდა, მაგრამ ვიცი რომ სერიოზულად უდგება საქმეს და პროფესიონალია,ამ 12 კაცში ნამდვილად იმსახურებდა ყოფნას , თუნდაც ლონდარიძის ან სხვა რომელიმე სკამზე მჯდომის მაგივრად!

02:10 | 14.09.2018
giorealist (2067)

საბერძნეთი მაინც გასულია და გვაჩუქოს 2 თამაში რა იქნება.. ანტიკურ ეპოქაში რო ოქროს საწმისი ”ვაჩუქეთ”, ვალი აქვს დასაბრუნებელი...

11:32 | 14.09.2018
ამიკო81 (74)

კომენტარი დაბლოკილია ცენზურის ავტომატური ბლოკირების მიერ, ის შეიძლება დაიშვას მოდერატორის მიერ

11:06 | 14.09.2018
iceman (1924)

ორივე რომ გვაჩუქოს შეიძლება ჯგუფში ჩარჩეს

სარეკლამო ადგილი - 9
250 x 250
სარეკლამო ადგილი - 20
250 x 188
სარეკლამო ადგილი - 22
250 x 250
0.058968