კალათბურთი

1:08 | 14.09.2018 | ნანახია 2701 - ჯერ

ილიას ზუროსი: “ბიჭებმა პირველიდან ბოლო წუთამდე მაგრად იბრძოლეს” (+VIDEO)

მსოფლიოს 2019 წლის ჩემპიონატის შესარჩევ ციკლში ისრაელისა და საქართველოს ნაკრებთა მატჩის მერე, რომელიც ჩვენმა გუნდმა 85:80 მოიგო, ტრადიციული პრესკონფერენცია შედგა. კომენტარები მეტოქეთა მთავარმა მწვრთნელებმა გააკეთეს.
ილიას ზუროსი (საქართველოს ნაკრების მთავარი მწვრთნელი): “მინდა ბიჭებს გამარჯვება მივულოცო. ისინი ერთმანეთს გვერდში ედგნენ და პირველიდან ბოლო წუთამდე მაგრად იბრძოლეს. მათ იმ დარბაზში იმარჯვეს, სადაც მოგება რთულია, თანაც ძალიან კარგად გაწვრთნილ მეტოქესთან. ჩინებული გამარჯვება ვიზეიმეთ, ახლა კი, საბერძნეთთან საშინაო მატჩისთვის უნდა მოვემზადოთ. მომდევნო წარმატებისთვის სრული კონცენტრაციაა საჭირო”.

ოდედ კატაში (ისრაელის ნაკრების მთავარი მწვრთნელი): “ბოლოდან დავიწყებ და ცხადია, რომ მარცხით იმედგაცრუებული ვარ, თუმცა, ვამაყობ ბიჭების თამაშით, განსაკუთრებით, მე-2 ტაიმში. მათ სახეცვლილება და რთულ სიტუაციასთან გამკლავება შესძლეს. პირველ ტაიმში საკმარისად აგრესიულები არ ვიყავით და თანაც, მეტოქე პერიმეტრიდან საოცარი სიზუსტით გვიტევდა.
ამან მძიმე ვითარებაში ჩაგვაგდო, თუმცა, მე-2 ნახევარში თამაშში დაბრუნება მოვახერხეთ. უფრო თამამად შევუტიეთჱდა მე-3 მეოთხედი ფაქტობრივად იდეალურად ჩავატარეთ. მატჩის ბოლო წუთებში მცირედით დაღლილობა შეგვეტყო, თუმცა, ჩემი აზრით გადამწყვეტი ის 17 მოხსნა აღმოჩნდა, რომელიც საქართველოს ნაკრებმა შეტევაში მიითვალა”.

Loading...

კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
10:16 | 14.09.2018
ალექსანდრე (5020)

ვითომ რა მოხდება, რომ ისრაელმა თავის ქვეყანაში მოუგოს სერბეთს და ასევე წააგოს სერბეთმა საბერძნეთთან მეორე მატჩში?! ჩვენ კი 16-ში უნდა მოვუგოთ საბერძნეთს, მეორე შეხვედრასაც მოვუგებთ ისრაელს და რა თქმა უნდა მოვუგებთ ესტონეთს ორივე შეხვედრაში. მერე კი ვიომებთ საბერძნეთში, არც ბერძნები მოიკლავენ თავს, რადგან გასვლა განაღდებული ექნებათ.

12:45 | 14.09.2018
ამიკო81 (74)

და შენ ისრაელის იმედი გაქვს, რომ სახლში მოუგებს სერბეთს? ისრაელი მაშინ უკვე ფაქტიურად შანსდაკარგული და უმოტივაციო იქნება. უმოტივაციო ისრაელის იმედი გვქონდა ევრობასკეტზე უკრაინასთან, მაგრამ ბ.ზი ქალივით დაუწვა უკრაინას.

01:48 | 14.09.2018
dubligi23 (598)

კიდევ 2 რომ წააგოს სერბეთმა, არაა საჭირო..კიდე ერთი...ნუ რათქმაუნდა ჩვენ, ჩვენები უნდა მოვიგოთ...საბერძნეთმა შეიძლება ზუროსის ხათრით და ისედაც...აღარ ჭირდება ნუ..

სარეკლამო ადგილი - 9
250 x 250
სარეკლამო ადგილი - 20
250 x 188
სარეკლამო ადგილი - 22
250 x 250
0.073588