საქართველოს ნაკრების მთავარმა მწვრთნელმა ვლადიმირ ვაისმა ყაზახეთის ნაკრებთან (2:0) გამარჯვების შემდეგ, თამაში შეაფასა.

სლოვაკი სპეციალისტის განცხადებით, მისმა გუნდმა გამარჯვება დაიმსახურა, თუმცა თამაშის ხარისხი უკეთესიც შეიძლება. ამასთან, ვაისმა აღნიშნა, რომ გუნდი ძალიან ბედნიერია, მაგრამ ეს მხოლოდ პირველი თამაში იყო და ხვალიდან ახალი ცხოვრება იწყება.

“სამი ქულა მნიშვენლოვანია, მაგრამ ეს მხოლოდ დასაწყისია.დამსახურებულად გავიმარჯვეთ. ყაზახეთმა კარგად დაიწყო თამაში, თუმცა შემდეგ თამაში ჩვენი კოტროლით მიმდინარეობდა. კარგად ვითამაშეთ, მაგრამ უკეთესიც შეიძლება. ჩვენ გვქონდა საგოლე მომენტები, რომელიც ვერ გამოვიყენეთ. ბიჭები მცირე დროა, რაც ემზადებიან ახლა დაღლილები არიან, მაგრამ მთავარია, რომ სახლში ბედნიერები მივდივართ”.

-როგორ შეაფასებდით ისლამხანის თამაშს?

- ყაზახეთის ნაკრების ფეხბურთელებს მე ვერ შევაფასებ. ეს ჩემი საქმე არაა. მე მხოლოდ თავაზიანი სიტყვების თქმა შემიძლია, კანკავა მას პერსონალურად მეურვებოდა. “კაირატს” წარმატებებს ვუსურვებ და შემიძლია გითხრათ, რომ თქვენს ნაკრებს პროგრესი აქვს. აქ თამაში ადვილი არავისთვის იქნება.

- იყო თუ არა ფუნდამენტურად მნიშვნელოვანი სტოილოვის დამარცხება?

- დღეს საქართველოს ნაკრების მწვრთნელი ვარ და ეს დიდი პასუხისმგებლობაა. მე მოვიგე, სტოილოვმა წააგო, ფეხბურთი ასეთია. ეს მხოლოდ პირველი თამაში იყო და ყაზახეთს შეუძლია უკეთესად ითამაშოს. ახლა თქვენს ნაკრებს თბილისში ველოდებით.

- როგორ შეაფასებდით ჩაკვეტაძის თამაშს?

- გიორგიმ მხოლოდ მეორე თამაში ჩაატარა ეროვნულ ნაკრებში. ის ახალგაზრდაა, რომელსაც წამოუდგენლად დიდი პოტენციალი აქვს. შეუძლია გახდეს გრანდის ფეხბურთელი. რა თქმა უნდა, რთულია, ის ძალიან ახლაგზრდაა. ჩვენი ფეხბურთელები მეტოქის კართაც ხიფათს ქმნიდნენ, მაგრამ რეალურად უკეთესაც თამაში ნამდვილად შეგვიძლია. თუმცა, ახლა შეგვიძლია ეს დავივიწყოთ, რადგან 2:0 მოვიგეთ და ეს ჩვენთვის შესანიშნავი შედეგია.

- ახლა, ლატვიასთან თამაშია...

- გასახდელში პირველი ეს ვთქვი. უნდა ვივახშმოთ, ვილოცოთ და ხვალიდან ახალი ცხოვრება დავიწყოთ. უნდა მოვემზადოთ, დარლილობა შესაძლებელია, მაგრამ ჩვენ მზად ვართ. ბედნიერი ვარ ბიჭების გამო. არასდროს ყოფილა ჩვენს გასახდელში ისეთი სიხარული, როგორც დღეს.

- ყაზახეთის ნაკრებისგან სიურპრიზი რა იყო?

- თამაშის ორგანიზაცია, ზეწოლა და პრესინგი ჩვენს ნახევარზე. გაგვიმართლა, რომ გოლი გავიტანეთ და ჩვენი ფეხბურთელების ინდივიდუალურმა ოსტატობამ თამაშის ბედი გადაწყვიტა. ჩვენ ვეთამაშეთ გუნდს, რომელიც ჯერ კიდევ იზრდება. სტოილოვი გამოცდილი მწვრთნელია, “ასტანა” ევროთასებზე თამაშობს და ეს გვიჩვენებს, რომ თქვენი ფეხბურთი ბოლო წლებში გაიზარდა.

სოფო ერქვანია WORLDSPORT.GE-სთვის ასტანიდან