დღეს, უეფას ერთა ლიგა დაიწყება. ეს ისტორიული მომენტია, რადგან პირველად ტარდება აღნიშნული ტურნირი. ერთა ლიგა ასტანაში, ყაზახეთისა და საქართველოს მატჩით გაიხსნება.

თუმცა, ახლა სხვა შეხვედრებზე გვინდა გიამბოთ.

ჩვენს ჯგუფში ერთი მატჩია. რიგაში, ლატვია ანდორის ნაკრებს უმასპინძლებს და ბალტიისპირელები აშკარა ფავორიტები არიან. თუმცა, ლატვიის ნაკრებს ბოლო სერიოზული ჩავარდნა აქვს. მიუხედავად ამისა, ანდორა ჯერ კიდევ რჩება იმ გუნდთან კატეგორიაში, რომლებიც ვერანაირ პროგრესს ვერ განიცდიან.

B დივიზიონის პორველ ჯგუფში, ჩეხეთის ნაკრები უკრაინას უმასძპინძლებს. ანდრეი შევჩენკოს გუნდს ახალი ფორმა აქვს, რომელსაც წარწერა დაამშვენებს: „სლავა უკრაინა!“.

ამავე დივიზიონის მეოთხე ჯგუფში ძალიან საინტერესო მატჩია: კარდიფში, უელსი მეზობელ ირლანდიას შეეჭიდება და ტურნირის გამარჯვებით დაწყებას ეცდება. მასპინძელთა თავკაცის პოსტზე დღეს ლეგენდარული რაიან გიგზის დებიუტიც შედგება.

D დივიზიონის მეოთხე ჯგუფში ორი მატჩი გველდოება. სომხეთი - ლიხტენშტეინი და გიბრალტარი - მაკედონია. ეს დივიზიონი ჩვენთვის ყველაზე საინტერესოა, რადგან საქართველოს ნაკრების პოტენციური მეტოქეები ასპარეზობენ.

C დივიზიონის მესამე ჯგუფიც ორი მატჩი იწყება. ოსლოში, ნორვეგია კვიპროსთან ფავორიტია, ხოლო ლუბლიანაში, სლოვენიის ნაკრები ბულგარეთს დაუხვდება.

და ბოლოს, დღეს კიდევ ერთი და ცენტრალური მატჩი გველოდება: A დივიზიონის პირველ ჯგუფში მსოფლიოს ბოლო ორი ჩემპიონი წარსგდება ერთმანეთის წინაშე. მიუნხენში, ბობოლები შეერკინებიან - გერმანია და საფრანგეთი. ეს იქნება ორივე გუნდისთვის მუნდიალის შემდეგ პირველი შეხვედრა. მუნდიალის, რომელიც ერთისთვის ისტორიული და ტრიუმფალური გამოდგა, ხოლო მეორესთვის ასევე ისტორიული, თუმცა მეტად ნეგატიური კუთხით. ალემანები ხომ მსოფლიოს ჩემპიონატის ჯგუფში ისტორიაში პირველად ჩარჩნენ.

სავარაუდო შემადგენლობა:

გერმანია (4-3-3): ნოიერი, კიმიხი, ჰუმელსი, ბოატენგი, შულცი; გორეცკა, კროოსი, გუნდოგანი; როისი, ვერნერი, მიულერი

მწვრთნელი: იოაჰიმ ლიოვი

საფრანგეთი (4-3-3): არეოლა; პავარი, ვარანი, უმტიტი, მენდი; პოგბა, კანტე, მატუიდი; მბაპე, ჟირუ, გრიზმანი

მწვრთნელი: დიდიე დეშამი

მსაჯი: დანიელე ორსატო.

აქვე გეტყვით, რომ დღევანდელი მატჩები გარდა ყაზახეთი - საქართველოსა და სომხეთი - ლიხტენშტეინისა, თბილისის დროით 22:45 საათიდან დაიწყება.