"ლეიკერსის" ფორვარდმა ლებრონ ჯეიმსმა "დალას მავერიკსის" გერმანელი ფორვარდის დირკ ნოვიცკის შესახებ ისაუბრა და საქებარი სიტყვები არ დაიშურა.
"ნოვიცკი გასაოცარია, ის ჩემი ყველა დროის ერთ-ერთი საუკეთესო მოთამაშეა. ის საოცრად ნიჭიერია, ყოველწლიურად იზრდება და მისი გამოცდილება ფასდაუდებელია. დირკი ნამდვილი პროფესიონალი სპორტსმენია, მისი სროლა ეს ფანტასტიკაა"- განაცხადა ლებრონმა.
40 წლის ნოვიცკისთვის, დიდი ალბათობით, კარიერაში ბოლო სეზონი იქნება. ნოვიცკი 2011 წელს "დალასთან" ერთად ნბა-ს ჩემპიონი გახდა, მაშინ ტეხასელებმა ფინალში ლებრონ ჯეიმსის "მაიამი ჰიტი" დაამარცხეს.
