"ლივერპულიდან" "ბეშიქთაშში" გადაბარგებულ ლორის კარიუსს ახალ გუნდში დებიუტი ჰქონდა. თუმცა, არცთუ წარმატებული. მართალია, გერმანელს ისეთი გაუგონარი შეცდომები არ დაუშვია, როგორც ჩემპიონთა ლიგის ფინალში "რეალთან", მაგრამ გაშვებულ გოლში მისი ბრალეულობაც ნამდვილად არის.

"ბეშიქთაში" "ბურსასფორს" სტუმრობდა და რაიან ბაბელის გოლით ამარცხებდა კიდეც. თუმცა, 86-ე წუთზე დიაფრა სახომ გაათანაბრა და შეხვედრაც ასე დასრულდა (1:1).

კარიუსი კარიდან დაუფუქრებლად გამოვიდა და სახომ როგორც მას, ისე მცველს დაასწრო და ცარიელ კარში გაიტანა. მოკლედ, ლორის კარიუსის დებიუტი "არწივების" რიგებში სახარბიელო და სასურველი ვერ გამოდგა.