„მანჩესტერ იუნაიტედის“ მთავარმა მწვრთნელმა ჟოზე მოურინიომ უარყო გავრცელებული ხმები იმის შესახებ, რომ თითქოს „ოლდ ტრაფორდზე“ კრიშტიანუ რონალდუს გადაბირება სურდა.

გარდა ამისა, „განსაკუთრებულმა“ ჩემპიონთა ლიგაზე მომავალი მეტოქის, „იუვენტუსის“ შესახებ ისაუბრა:

„იუვენტუსი“ - ეს არის ევროპაში ერთ-ერთი გუნდი, რომელმაც ჩემპიონთა ლიგის მოსაგებად დიდი ინვესტიცია განახორციელა. „იუვეს“ სკუდეტოსთვის ამის გაკეთება ნამდვილად არ სჭირდება, რადგან 7 წელია ზედიზედ გამარჯვებულები არიან. მიზანი ნათელია: ჩემპიონთა ლიგა, რომლის მოგებასთა ორჯერ ახლოს იყო. ეს არის ევროპის საუკეთესო გუნდი, რომელმაც ძალიან ბევრი ფული დახარჯა. მასზე მეტი ალბათ მხოლოდ „ლივერპულმა“ გაიღო.

კრიშტიანუ, ჯანი და ბონუჩი შესანიშნავი ტრანსფერებია. ჩვენ ნამდვილად ორი რთული თამაში გველოდება და კარგად უნდა მოვემზადოთ. რონალდუ? - მე არასდროს ვყოფილვარ მისი „მანჩესტერში“ მოსვლით დაინტერესებული. ამაზე საუბარი არც ყოფილა“, - განაცხადა მოურინიომ.

შეგახსენებთ, რომ „იუვენტუსი“ და „მანჩესტერ იუნაიტედი“ ჩემპიონთა ლიგის ერთ ქვეჯგუფში იმყოფებიან. პირველი მატჩი ინგლისში შედგება, ხოლო მეორე - იტალიაში.