ბრატისლავაში მიმდინარე ძიუდოს ევროპის თასზე 90 კილოგრამი წონითი კატეგორიის ფინალში ერთმანეთს ბექა ღვინიაშვილი და ავთანდილ ჭრიკიშვილი დაუპირისპირდებიან. წინასწარ ეტაპზე ორივემ ოთხ-ოთხი გამარჯვება მოიპოვა.
დღესვე, სლოვაკურ ტატამზე ასევე 90 კილოგრამში მოჭიდავე პაატა ღვინიაშვილიც გავიდა, მაგრამ... ოქრო-ვერცხლის შანსი მეოთხედფინალში დაკარგა. რეპეშაჟის ნახევარფინალში კი აღარ იჭიდავა.
სწორედ ჭრიკიშვილის და ღვინიაშვილის შეხვედრა გადაწყვეტს, რომელი მათგანი იჭიდავებს სამიოდ კვირაში ბაქოში, მსოფლიოს 2018 წლის ჩემპიონატზე.
