საფრანგეთის ეროვნული ნაკრების და მადრიდის "ატლეტიკოს" თავდამსხმელი ანტუან გრიზმანი ევროპა ლიგის 2017/18 წლების სეზონის საუკეთესო ფეხბურთელად დაასახელეს.

გრიზმანმა გასულ სეზონში ევროპა ლიგაზე რვა მატჩი ჩაატარა, გაიტანა ექვსი გოლი და ოთხი საგოლე გადაცემა შეასრულა. ფინალში "ატლეტიკომ" "მარსელი" 3:0 დაამარცხა და აღნიშნულ შეხვედრაში დუბლი ანტუანმა შეასრულა. 2017/18 წლების სეზონში ყველა ტურნირზე გრიზმანმა 49 მატჩში თავი 29-ჯერ გამოიჩინა.