ლეონარდო ბონუჩიმ „იუვენტუსში“ დაბრუნების შემდეგ ტურინში პირველად ითამაშა. ეს დიდი ინტრიგა იყო - როგორ შეხვდებოდა ადგილობრივი პუბლიკა ლეოს?

საბოლოოდ ისე გამოვიდა, რომ ბონუჩიმ „ალიანც სთედიუმი“ შუაზე გახლიჩა: ტიფოზების ერთი ნაწილი მას ტაშით დახვდა, ხოლო მეორე ნაწილი - სტვენით. ალბათ, იტალიელი მცველი ისევ დაიბრუნებს „იუვეს“ ქომაგთა სიყვარულს, მაგრამ „ლაციოსთან“ შეხვედრაში ნაწილმა ის სიხარულით არ მიიღო.

„ბებერმა ქალბატონმა“ კი დედაქალაქური მეტოქე 2:0 დაამარცხა, ბონუჩიმ 90 წუთი დაჰყო მოედანზე.