იტალიური „ნაპოლის“ კაპიტანი მარეკ ჰამშიკი ყოფილი მწვრთნელის, მაურიციო სარის შესახებ საუბრობს. სლოვაკი ნახევარმცველის განცხადებით, 59 წლის იტალიელი სპეციალისტი ფეხბურთითაა დაავადებული.

„მაურიციო სარი მოედანზე ცხოვრობს. თამაშით ცოცხლობს კვირაში 7 დღე და დღეში 24 საათი. სარი ნამდვილი ავადმყოფია, რომელიც ფეხბურთითაა შეპყრობილი. არასდროს პატარა დეტალიც კი არ გამოეპარება. მასთან ერთად მე გავიზარდე, როგორც ტექნიკური, ისე ტაქტიკური თვალსაზრისით“, - განაცხადა ჰამშიკმა.

შეგახსენებთ, რომ მაურიციო სარი „ნაპოლის“ 2015-2018 წლებში ავარჯიშებდა, ხოლო ამჟამად ლონდონის „ჩელსის“ უდგას სათავეში. რაც შეეხება ნეაპოლურ გუნდს, კარლო ანჩელოტი წვრთნის.