ფეხბურთი

3:15 | 19.08.2018 | ნანახია [] - ჯერ

ლა ლიგა მესის წარმოდგენით დაიწყო (+VIDEO)

ესპანეთის ლა ლიგის სეზონი ლეო მესის წარმოდგენით დაიწყო. “ბარსელონას” ახალმა კაპიტანმა “ალავესი” არ დაინდო და თავის გუნდს პირველი სამი ქულა მოუტანა. “სოსიედადმა” “ელ მადრიგალზე” ფასეულ გამარჯვებას უწია, ხოლო “ბალაიდოსზე” “სელტამ” და “ესნაიოლმა” ქულები გაიყვეს.

“ბარსელონას” “დეპორტივო ალავესმა” ოდენ ერთი ტაიმი გაუძლო. ანტრაქტის შემდეგ კი კატალონელთა სუპერვარსკვლავის, ლეო მესის შემჩერებელი მოედანზე არავინ გახლდათ. ლეომ დუბლი გაიფორმა და სეზონი მაჟორულ ნოტაზე დაიწყო. როგორც ჩანს, არგენტინელს არ ანაღვლებს ის ფაქტი, რომ კრიშტიანუ რონალდუ ლა ლიგაში აღარ ირჯება და მის გარეშეც აპირებს ბომბარდირობას. მესის გოლებს შორის ფილიპე კოუტინიომაც გაიტანა და “ბარსამ” დამაჯერებელი სტარტი აიღო.

სან სებასტიანის “სოსიედადმა” “ვილიარეალი” მისსავე მოედანზე დაამარცხა. არადა, “ყვითელი სუმბარინა” თავიდან იგებდა, მაგრამ ბასკებმა რეაბილიტაცია მოახერხეს და სეზონი კარგად დაიწყეს.

ვიგოში კი, “სელტამ” პირველმა გაუშვა “ესპანიოლისგან”, თუმცა, მეორე ტაიმის სტარტზევე დავიდ ლოპესმა საკუთარ კარში ჩაჭრა და გუნდებმა ქულები გაიყვეს – 1:1.

ლა ლიგის პირველი ტური კვირას გაგრძელდება.

“სელტა” – “ესპანიოლი” 1:1 (0:1)

გოლები: 0:1 ჰერმოსო (45), 1:1 დავიდ ლოპესი (52, ა.გ)

“ვილიარეალი” – “სოსიედადი” 1:2 (1:1)

გოლები: 1:0 მორენო (16), 1:1 ვილიან ჟოზე (40), 1:2 ხუანმი (71)

“ბარსელონა” – “ალავესი” 3:0 (0:0) VIDEO

გოლები: 1:0 მესი (64), 2:0 კოუტინიო (83), 3:0 მესი (90)

თეგებილა ლიგა
Loading...
სტატისტიკა
0.26871