"მანჩესტერ სიტის" შემტევი პატრიკ რობერტსი 2018/19 წლების სეზონს იჯარის წესით "ჟირონაში" გაატარებს. აღნიშნული ინფორმაცია ესპანური კლუბის ოფიციალურმა ვებგვერდმა გაავრცელა.

ინგლისელი ფეხბურთელი "ქალაქელებმა" 2015 წელს "ფულჰემიდან" დაიმატეს. რობერტსი 2016 წლიდან 2018 წლის ზაფხულამდე "სელტიკში" ასევე იჯარის წესით თამაშობდა და ამ ხნის განმავლობაში შოტლანდიურ გუნდთან ერთად შვიდი ტიტული მოიპოვა. "სელტიკის" მაისურით პატრიკმა 79 მატჩი ჩაატარა, გაიტანა 18 გოლი და 28 საგოლე გადაცემა შეასრულა.