მსოფლიო რეიტინგის პირველი ნომერი, რუმინელი სიმონა ჰალეპი პირველი ქალი ჩოგბურთელია, რომელმაც წლის შემაჯამებელ ტურნირიზე მონაწილეობის უფლება მოიპოვა, აღნიშნულ ინფორმაციას WTA-ის ოფიციალური ვებგვერდი ავრცელებს.
წელს სიმონამ საფრანგეთის ღია პირველობა და ტორონტოს მასტერსი მოიგო. ავსტრალიის ღია პირველობის ფინალში გავიდა.
წლის შემაჯამებელი ტურნირი 21-28 ოქტომბერს სინგაპურში გაიმართება. ტურნირის ყველაზე მეტჯერ 8-ჯერ მარტინა ნავრატილოვას აქვს მოგებული. მოქმედ ჩოგბურთელებს შორის სერენამ აღნიშნული ტიტული ხუთჯერ დაისაკუთრა.
