ვეტერანმა კამერუნელმა თავდამსხმელმა სამუელ ეტო’ომ ევროპა დატოვა და კარიერას აზიაში, კერძოდ, “ყატარ სპორტ კლუბში” გააგრძელებს. ეს აფრიკელისთვის მე-13 გუნდი იქნება კარიერაში.

ეტო’ომ ცოტა ხნის წინ თურქული “ქონიასფორი” თავისუფალი აგენტის სტატუსით დატოვა და ახლოს იყო ფრანგულ “ლანსში” გადასვლასთან, მაგრამ საბოლოოდ ყატარში გადაბარგდა.

სამუელ ეტო’ოს კარიერის საუკეთესო წლები “მალიორკაში”, კატალონიის “ბარსელონასა” და “ინტერში” აქვს გატარებული. ისე კი, სხვა და სხვა დროს “კაჯი სპორტ აკადემის”, “რეალის”, “ლეგანესის”, “ესპანიოლის”, “ანჟის”, “ჩელსის”, “ევერტონის”, “სამპდორიას”, “ანტალიასფორისა” და “ქონიასფორის” ღირსებას იცავდა.