“რეალის” ახალგაზრდა მარცხენა მცველი ტეო ერნანდესი კარიერას “სოსიედადში” განაგრძობს. აღნიშნული ინფორმაცია ოფიციალურ დონეზე დადასტურდა.
20 წლის ფეხბურთელი ბასკურ კლუბში ერთწლიანი იჯარით ითამაშებს.
ტეო “რეალში” გასულ ზაფხულს “ატლეტიკოდან” 24 მილიონ ევროდ გადავიდა, თუმცა “ბლანკოსში” ადგილის დამკვიდრება ვერ მოახერხა და ყველა ტურნირზე მხოლოდ 23 თამაში ჩატარება მოუწია, რომლებშიც 3 საგოლე გადაცემით გამოირჩა.
