ინგლისის ეროვნული ნაკრების თავდამსხმელმა ჯეიმი ვარდიმ "ლესტერთან" ახალი ოტხწლიანი კონტრაქტი გააფორმა. აღნიშნული ინფორმაცია "მელიების" ოფიციალურმა ვებგვერდმა გაავრცელა. ჯერჯერობით უცნობია ხელშეკრულების დეტალები, თუმცა Sky Sports-ის ინფორმაციით, ვარდი "ლესტერის" ისტორიაში ყველაზე მაღალანაზღაურებადი ფეხბურთელი გახდა.

ჯეიმი "მელიებს" 2012 წელს "ფლიტვუდიდან" შეუერთდა. ვარდი 2015/16 წლების სეზონში პრემიერლიგის ჩემპიონი გახდა და ამავე სეზონის საუკეთესო ფეხბურთელად დაასახელეს. 2015 წელს ვარდიმ ინგლისის ჩემპიონატის ზედიზედ 11 შეხვედრაში გატანილი გოლით პრემიერლიგის რეკორდი დაამყარა. ჯეიმის სატრანსფერო ღირებულება 20 მილიონი ევროა.