ფეხბურთი

15:25 | 8.08.2018 | ნანახია [] - ჯერ

"ბარსელონამ" სენეგალელი მცველი დაიმატა

კატალონიის “ბარსელონამ” სენეგალის ნაკრების მცველი მუსა ვაგე დაიმატა. აღნიშნულ ინფორმაციას კატალონური გუნდის ვებგვერდი ოფიციალურად ადასტურებს.

19 წლის ფეხბურთელის სანაცვლოდ ბელგიურმა “ეუპენმა” 4.5 მილიონი ევრო მიიღო, ხოლო ესპანელებმა 5-წლიანი კონტრაქტი გაუფორმეს. ვაგეს გამოსასყიდი თანხა 100 მილიონი ევრო იქნება.

შეთანხმების თანახმად, ვაგე დამდეგ სეზონში “ბარსელონა B”-ში ითამაშებს და პირველი გუნდის დაკვირვების ქვეშ იქნება.

მუსა ვაგემ სენეგალის ნაკრებში მსოფლიოს ჩემპიონატზე ითამაშა, მეორე ტურში იაპონიას გოლიც გაუტანა და მუნდიალების ისტორიაში ყველაზე ახალგაზრდა აფრიკელი გახდა, რომელმაც გოლის გატანა მოახერხა.

0.11566