ესპანეთის ლა ლიგა 2-ის ბინადარმა “ლუგომ” ქართველი ნახევარმცველი გიორგი აბურჯანია მედიის წინაშე ოფიციალურად წარადგინა. გიორგის განცხადებით, გალისიელთა რიგებში გადასვლის მთავარი ფაქტორი კლუბის სპორტული დირექტორი იყო.

“ჩემი აქ მოსვლის მთავარი მიზეზი ემილიო იყო (ემილიო ვიკიერა “ლუგოს” სპორტული დირექტორი – რედ). როდესაც ის დამიკავშირდა, უყოყმანოდ დავთანხდი. მან ამიხსნა, რომ ჩვენი პროექტი ამბიციურია და მე ამაში ეჭვი არ მეპარება.

ჩემზე რომ იყოს, მირჩევნია ჩამშლელ ნახევარმცველად თამაში, მაგრამ ასევე მომწონს შეტევა, როდესაც ბურთს ვაკონტროლებ. მიუხედავად ყველაფრისა, ვითამაშე იქ, სადაც მწვრთნელი მეტყვის და გუნდს დავჭირდები.

დამდეგი სეზონი ძალიან რთული იქნება და კონკურენცია ძალიან დიდია. თუმცა, ჩვენ ამ გამოწვევას დიდი ენთუზიაზმით ვხვდებით”, - განაცხადა აბურჯანიამ.

გიორგი აბურჯანია “ლუგოში” დამდეგ სეზონს იჯარით წესით გაატარებს და გალისიელთა შემადგენლობაში 18-ნომრიანი მაისურით გაირჯება.