კატალონიის “ბარსელონას” მცველი იერი მინა კარიერას ლივერპულის “ევერტონში” გააგრძელებს. Sport-ის ინფორმაციით, მხარები უკვე შეთანხმდნენ და უახლოეს პერიოდში ტრანსფერი ოფიციალურად დადასტურდება.

იერი მინას სანაცვლოდ ლივერპულელები 32 მილიონ ევროს გადაიხდიან, ხოლო თავად ფეხბურთელი 5-წლიან კონტრაქტს მოაწერს ხელს.

ასე და ამგვარად, 23 წლის კოლუმბიელის ბარსელონური კარიერა ხანმოკლე გამოდგა. მინა “კამპ ნოუზე” მიმდინარე წლის იანვარში გადაბარგდა და მხოლოდ 5 შეხვედრაში მიიღო მონაწილეობა.

იერი მინასთვის განსაკუთრებით წარმატებული მსოფლიოს ჩემპიონატი გამოდგა, სადაც 3 თამაში ჩაატარა და ამდენივე გოლი გაიტანა.