ფეხბურთი

12:40 | 4.08.2018 | ნანახია 4691 - ჯერ

ქართული ტრანსფერები: MLS-დან ლუქსემბურგამდე

საფეხბურთო სამყაროში ზაფხული ყველაზე მეტად სატრანსფერო სიახლეებითაა გამორჩეული და გამონაკლისი ბუნებრივია არც მიმდინარე სეზონია. ჯერჯერობით, სატრანსფერო ფანჯარა ისევ ღიაა და გუნდებს აქვთ შესაძლობლობა, რომ სასურველი ფეხბურთელები დაიმატონ.

ამჯერზე, ქართველ ფეხბურთელებზე ვისაუბრებთ, რომლებმაც ამ დროისთვის უკვე მოასწრეს გუნდების შეცვლა. დღევანდელ წერილში საუბარი მხოლოდ იმ მოთამაშეებზე გვექნება, რომლებმაც კლუბები უცხოეთის მასშტაბით შეიცვალეს ან საქართველო დატოვეს და ლეგიონერის სტატუსი მიიღეს.

ქართველთა მიდი-მოდი

  • “სევილიას” მეორე გუნდის აწ უკვე ყოფილმა წევრმა გიორგი აბურჯანიამ გუნდი შეიცვალა. ქართველი ნახევარმცველი ესპანეთში დარჩა და დამდეგ სეზონს იჯარის წესით “ლუგოში” გაატარებს. დამდეგ ზაფხულს კი გალისიელებს მისი გამოსყიდვა შეეძლებათ.

  • საქართველოს ნაკრების ახალწვეული მეკარე, ზაურ მახარაძემ დონეცკის “ოლიმპიკი” დატოვა და ამიერიდან ლუგანსკის “ზორიას” კარს მომდევნო 3 წლის განმავლობაში დაიცავს.

  • კლუბი შეიცვალა საქართველოს ნაკრების კიდევ ერთმა კარის დარაჯმა. გიორგი ლორიას “ანჟისთან” საიჯარო ხელშეკრულება დაუსრულდა და სამარის “კრილია სოვეტოვში” დაბრუნდა.

  • ვატო არველაძე თბილისის “ლოკომოტივიდან” პოლონეთის ექსტრაკლასაში აღმოჩნდა. ახალგაზრდა ქართველმა ფორვარდმა “კორონას” მაისური მოირგო.

  • გიორგი არაბიძემ დონეცკის “შახტარის” დუბლებს თავი დააღწია და პორტუგალიის პრიმეირა ლიგის ბინადარ “ნასიონალს” შეუერთდა. სასიამოვნოა, რომ ნიჭიერმა ქართველმა შემტევმა პორტუგალიურ გუნდთან სრულფასოვანი, 4-წლიანი კონტრაქტი გააფორმა.

  • პორტუგალიის პრიმეირა ლიგაში არაბიძის გარდა ავთო ებრალიძეც ითამაშებს. 26 წლის ნახევარმცველმა “ჩავესთან” ორწლიანი კონტრაქტი გააფორმა. ამრიგად, პორტუგალიის მთავარ ლიგაში სამი ჩვენებური ითამაშებს: ებრალიძე, არაბიძე და გიორგი მაკარიძე.

  • ბაჩანა არაბულმა უნგრეთის ჩემპიონატიდან გავარდნილი “ბალმაზუივაროში” დატოვა და ბედი “პუშკაშ აკადემიას” ორი წლით დაუკავშირა.

  • თბილისის “დინამოს” ყოფილმა ფეხბურთელმა გიორგი თევზაძემ საქართველო დატოვა და უცხოეთს კარიერაში პირველად მიაშურა. ნიჭიერი ქართველი მცველი სლოვაკური ფეხბურთის ფლაგმან “ჟილინას” წევრი ხელშეკრულების თანახმად 2021 წლის ზაფხულამდე იქნება.

  • ნიკა კაჭარავა ერთწლიანი პაუზის შემდეგ კვიპროსს დაუბრუნდა. 24 წლის ჩვენებურმა პოლონური “კორონა” დატოვა და ორწლიანი კონტრაქტი ფამაგუსტას “ანორთოსისთან” გააფორმა.

  • საქართველოს ეროვნული ლიგის ბინადარ “თელავიდან” ლატვიის უმაღლესი ლიგის წევრ “იეგალვაში” გადავიდა 23 წლის ნახევარმცველი გურამ ლუკავა.

  • საჩხერის “ჩიხურას” აწ უკვე ყოფილმა თავდამსხმელმა ბაჩანა ცხადაძემ საფრანგეთს მიაშურა. 30 წლის ფორვარდმა “ბასტიასთან”, რომელიც რანგით მეხუთე დივიზიონში ასპარეზობს 1+1 წლიანი კონტრაქტი გააფორმა. არადა, დრო იყო “ბასტია” ლიგა 1-ში ანგარიშგასაწევ ძალას წარმოადგენდა.

  • საქართველოს ნაკრების ვიცე-კაპიტანი გურამ კაშია არნემის “ვიტესს” 8-წლიანი ურთიერთობის შემდეგ დაემშვიდობა. გურამი “სან ხოსეში” ვაკო ყაზაიშვილს შეუერთდა და ამერიკულ MLS-ში ჩვენი ქვეყნის მეორე წარმომადგენელი გახდა.

  • თბილისის “დინამოს” რიგები კაპიტანმა ოთარ კიტეიშვილმა ცოტა ხნის დატოვა. ნიჭიერი ქართველი შემტევი მომდევნო 4 სეზონის განმავლობაში ავსტრიის ბუნდელსიგის ვიცე-ჩემპიონის, გრაცის “შტურმის” 9-ნომრიანი მაისურით ითამაშებს.

  • სამაგიეროდ ავსტრია დატოვა გიორგი ქვილითაიამ, რომელიც ბოლო ორი სეზონის ვენის “რაპიდში” გამოდიოდა. 24 წლის თავდამსხმელი 2022 წლამდე ბელგიური “გენტისთვის” შეუტევს, სადაც გიორგი ჩაკვეტაძე დახვდა.

  • ლვოვის “კარპატიმ” ნიკა სანდოხაძე სათამაშო პრაქტიკის მიზნით ლატვიურ “რიგასში” 6 თვით გაანათხოვრა.

  • საქართველოს ნაკრების მარცხენა მცველმა გიორგი ნავალოვსკიმ კი “სკა ხაბაროვსკის” დატოვების შემდეგ ბელარუსს მიაშურა და მინსკის “დინამოსთან” გააფორმა ხელშეკრულება.

  • ჯაბა ჯიღაური ყაზახური “ორდაბაისიდან” საფრანგეთის ლიგა 2-ის ბინადარ “გრენობლში” გადავიდა.

  • გიორგი გველესიანმა ირანული “ზობ აჰანი” დატოვა, თუმცა იქვე დარჩა და ამიეირდან “ნასაჯის” ღირსებას დაიცავს.

  • ლევან ყენია თბილისის "ლოკომოტივიდან" უცხოეთს დაუბრუნდა და ამიერიდან ლუქსებურგში, კერძოდ, "დუდელანჟის" რიგებში ითამაშებს.

როგორც დასაწყისში ვახსენეთ, სატრანსფერო ფანჯარა გახსნილია და შესაძლოა მოცემული ნუსხა გაიზარდოს. ვნახოთ, შეიცვლიან თუ არა დარჩენილ დროში ქართველი ფეხბურთელები გუნდებს...

Loading...

კომენტარები (9)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
21:13 | 05.08.2018
Dr. Watson (28)

ახლა ჩვენ ერთა ლიგაზე გავაკეთებთ მთლიანად აქცენტს და საკვალიფიკაციოს "გავატარებთ", თუ როგორ იქნება, საინტერესოა.
ერთა ლიგიდან რომ გავალთ ფინალურ სტადიაზე, ამის ძალიან დიდი იმედი მაქვს.

15:08 | 06.08.2018
lagashi (3178)

ერთა ლიგიდან თუ გავედით მაშინ ვინღა დაძებნის შესარჩევ ეტაპს მაგრამ თუ ვერ დავძლიეთ ერთა ლიგის გზა აი მერე სხვა რაღა დაგვრჩება და ისევ ძველებურად ვიჯახირებთ შესარჩევ ჯგუფში და დავიკავებთ ბოლო ან ბოლოსწინა ადგილს მიუხედავად იმისა რომ ბევრს ერთა ლიგის დაძლევა არც ისე მიუღწევლად მიაჩნდა ვფიქრობ რომ ძალიან გაგვიჭირდება.

10:58 | 13.08.2018
ამიკო81 (82)

მთლად გატარება არა, მაგრამ მშვენიერი შანსია რეზერვის ფეხბურთელები გამოსცადოს ვაისმა ოფიციალურ მატჩებში. ერთია ამხანაგურში რომ ცდი ფეხბურთელებს, და მეორე - ოფიციალურში, სულ სხვა დონეა. მეტოქე მთელი ძალით გეთამაშება და უფრო სრულფასოვანი ტრენინგი გამოდის.

11:24 | 13.08.2018
ამიკო81 (82)

ერთა ლიგა თუ ვერ დავძლიეთ და მაშინ გავაუქმოთ ნაკრები და საკლუბო ჩემპიონატი, როგორც მონაკოს აქვს (რომელიც ცალკე სახელმწიფოა, მაგრამ საფეხბურთო ნაკრები და შიდა ეროვნული ჩემპიონატი არ აქვს და კლუბი „მონაკო“ გამოდის საფრანგეთის ჩემპიონატში) და ჩვენმა წამყვანმა კლუბებმა ითამაშონ თურქეთის ჩემპიონატში.

21:04 | 05.08.2018
federerjamesliverpooldelpotro (10343)

ერთა ლიგისთვის მართლა იმედიანად ვარ განწყობილი

21:02 | 05.08.2018
federerjamesliverpooldelpotro (10343)

რას შვებო ბაჩან სად თამაშობო ბალმაზუივაროშიო დდდდ

18:20 | 04.08.2018
sul2 (202)

ბოლო წლებთან შედარებით უკეთესობები არის იმედია კაი თაობა წამოვა და თავის მაქსიმუმზე გაიზრდებიან ბიჭები. ჩაკვეტაძეს, არაბიძეს, ქვილითაიას და კიტეიშვილს აქვთ პოტენციალი რომ საშუალოზე მაღალი დონე ითამაშონ. ჩაკვეტაძემ და არაბიძემ უმაღლესი დონეც შეიძლება ითამაშონ თუ ყველაფერი კარგად წავიდა. ოქრის და ვაკოს ჩამოწერაც ადრეა ჯერ კიდე შეუძლიათ მომატება. დაცვაში კაშია, კვირკველია, ხოჭოლავა და ტაბიძე გვყავს და არ გვეშინია. ჯანომ და მჭედლომ თუ დააღწიეს თავი ტრამვებს მაღალი დონის ფეხბურთელები არიან. პლუს კაკაბაძე, რომლის გაზრდის იმედი მაქვს, გვილიასიც ასევე და ნორმალური გუნდი გვყავს. კიდე შეიძლება გამომრჩა ვიღაცეები, კანკავაც კიდე გამოადგება ნაკრებს ერთი-ორი წელი და იქნებ გავაღწიოთ ევროპაზე.

16:15 | 04.08.2018
#გავკარიჩემსპრეზიდენტს (KORBEN) (13528)

ამათგან ყველაზე საინტერესო მაინც არაბიძის და კიტეიშვილის ტრანსფერებია. ამ ორ ფეხბურთელს რეალურად შეუძლია ნაკრების გაძლიერება.

21:02 | 05.08.2018
federerjamesliverpooldelpotro (10343)

კი ეგრეა კორბენ ნამდვილად

15:17 | 04.08.2018
despe (3437)

ამ დანიებში და ლატვიებში წასვლა რო პროგრესი ჰგონიათ ეგ ცალკე აღსანიშნავი მარგალიტია...

მერე კიდე მაქედან რო აუცილებლად ნაკრებში იმკვიდრებენ ავტომატურად ადგილს ეგ კატასტროფაა.

21:03 | 05.08.2018
federerjamesliverpooldelpotro (10343)

დანიის და ლატვიის ჩემპიონატის შედარება არ შეიძლება.ბევრად მაღალი კლასია დანია და დამწყებ ფეხბურთელს ნაღდად შეუძლია პროგრესირება

15:19 | 04.08.2018
mjgiri (3926)

დანიაში საკმაოდ კარგ დონეზე თამაშობენ ფეხბურთს.გაცილებით უფრო მაღალი სისწრაფეებია

14:08 | 05.08.2018
halamadrid (606)

კაია იმოქმედა სათაური შეცვალეს ))

13:07 | 05.08.2018
despe (3437)

დანიაში მარტო მიდტიულამდი ფაფხურობს და ისიც სად ტრ***ის კი ხედავ...

13:36 | 04.08.2018
akaki (1140)

ყენიას რა უნდოდა ლუქსემბურგში? რამე ხო არ იცით რა მიზეზი ქონდა იქ წასვლის?

15:14 | 04.08.2018
despe (3437)

ეტყობა ილუქსემბურგში უფრო დიდი გასამრჯელო აქვთ...

10:53 | 13.08.2018
ამიკო81 (82)

ალბათ ლუქსემბურგის მოქალაქეობის მიღებაზე ცალიჩობს)))))).

13:54 | 04.08.2018
mjgiri (3926)

აბა ლოკომოტივში რა უნდოდა?

13:17 | 04.08.2018
mjgiri (3926)

რა მიდი-მოდი,შიგ ხო არაგაქვთ

13:16 | 04.08.2018
mjgiri (3926)

მიდი-მოდი არა სლე

სარეკლამო ადგილი - 20
250 x 188
სარეკლამო ადგილი - 22
250 x 250
0.09315