ტურინის “იუვენტუსის” გენერალურმა დირექტორმა ბეპე მაროტამ დაადასტურა ინფორმაცია იმის შესახებ, რომ “მილანს” გონსალო იგუაინის დამატება სურს.
“ლეონარდო კარგად იცნობს არგენტინელს და მისი “როსონერიში” ხილვა სურს, თუმცა არსებობს საკითხები, რომელიც უნდა მოგვარდეს და ჯერ კიდევ ბევრი სამუშაო გვაქვს”, - განაცხადა მაროტამ.
შეგახსენებთ, რომ “ბებერმა ქალბატონმა” იგუაინის გაყიდვა მას შემდეგ გადაწყვიტა, რაც ტურინულ გრანდში კრიშტიანუ რონალდუ გადავიდა. იტალიის ჩემპიონი გუნდი 30 წლის მოთამაშეში 60 მილიონ ევროს ითხოვს.
