ლონდონის “ტოტენჰემმა” სონ ჰინ მინს ახალი კონტრაქტი გაუფორმა. როგორც “მამლების” ვებგვერდი ოფიციალურად იტყობინება, სამხრეთ კორეელი შემტევი ლონდონში 2023 წლის 30 ივნისამდე დარჩება.

სონი “ტოტენჰემს” 2015 წელს ლევერკუზენის “ბაიერიდან” შეუერთდა და გუნდის ძირითად შემადგენლობაში ფეხის მოკიდება არ გასჭირვებია.

გასულ სეზონში მან 53 შეხვედრაში 20 გოლის გატანა შეძლო. 26 წლის ფეხბურთელი გასული წლის ნოემბერში პრემიერლიგის ისტორიაში ყველაზე შედეგიანი აზიელი გახდა მას შემდეგ, რაც თანამემამულე პარკ ჯი სუნის მიღწევა გააუმჯობესა გატანილი გოლების მიხედვით.