მადრიდის “რეალი” კრიშტიანუ რონალდუს შემცვლელად მაურო იკარდის განიხილავს. აღნიშნულ ინფორმაციას Marca ავრცელებს. ესპანური გამოცემის ცნობით, “სამეფო კლუბი” მზადაა “ინტერს” არგენტინელის სანაცვლოდ 110 მილიონი ევრო გადაუხადოს.
აღსანიშნავია, რომ გასულ ზამთარს იკარდის სანაცვლოდ 100 მილიონი ევრო არ გაიღო, თუმცა რონალდუს გუნდიდან წასვლის შემდეგ ფლორენტინო პერესის გეგმები შეიცვალა.
ჯერჯერობით მილანური გრანდისა და ფორვარდის პოზიცია უცნობია, თუმცა სამხრეთ ამერიკელმა არცთუ დიდი ხნის წინ განაცხადა, რომ იტალიის დატოვებას არ აპირებს. იკარდიმ გასულ სეზონში 34 შეხვედრაში 29 გოლის გატანა შეძლო.
