ბელგიურმა ტექნიკის მაღაზიათა ქსელმა "კრიოფელმა" გულშემატკივრებს ტელევიზორში გადახდილი თანხა დაუბრუნა. აღნიშნული ინფორმაცია "კრიოფელის" ტვიტერის გვერდა გაავრცელა.

მაისში "კრიოფელს" აქცია ჰქონდა, რომლის მიხედვითაც თუ კლიენტი მინიმუმ 55-ინჩიანი დიაგონალის ტელევიზორს იყიდდა და ბელგიის ეროვნული ნაკრები მუნდიალზე 15-ზე მეტ გოლს გაიტანდა, გადახდილი თანხა უკან დაუბრუნდებოდა. კომპანიამ კი თავისი პირობა შეასრულა.

ტელევიზორის მყიდველი გულშემატკივრები ორმაგად ედენ აზარმა გაახარა, რომელმაც ინგლისთან მოგებულ მესამე ადგილისთვის გამართულ მატჩში (2:0) მეორე გოლი გაიტანა და საბოლოოდ ბელგიას მსოფლიოს ჩემპიონატზე 16 გოლი დაუგროვდა.