ბლოგი

12:48 | 15.07.2018 | ნანახია 1012 - ჯერ

დღეს საღამოს დავივიწყოთ მასპინძელი და დავტკბეთ ფინალით!

დღეს საღამოს მოსკოვში ფეხბურთის ქომაგებისათვის ის მოხდება, რასაც ყოველ ოთხ წელიწადში ერთხელ ელიან და ელაციცებიან. რომელი საფეხბურთო ნაკრების თავგადაკლული ქომაგიც არ უნდა იყო, მსოფლიოს ჩემპიონატის ფინალი ის მატჩია, რის ნახვასაც ყველა აუცილებლად თვლის. ანდა ფეხბურთის გულშემატკივრებს საერთოდ არც უნდა ვახსენებდე, როდესაც მუნდიალის ფინალს ისინიც კი უყურებენ, რომლებიც ფეხბურთისაგან მოშორებით დაყუდებულან.

ცუდი და გულსატკენი მაინც ისაა, რომ ეს თამაში მილიონობთ ადამიანისთვის ავადსახსენებელ ქალაქში იმართება და სწორედ ამ ქალაქიდან იმართება ჩვენი პლანეტის მთავარი ბოროტება, რის შედეგსაც საქართველოში, უკრაინაში, სირიაში, მოლდოვაში და დედამიწის სხვა ადგილებზეც ყოველდღიურად ვხედავთ. ისეთ დროს, როდესაც მუნდიალის ჩატარების ადგილზე ვფიქრობთ. ფეხბურთის მთელი სასწაულებრიობა ყველაზე ნაკლებად გვახენდება, მაგრამ ისტორიის მდინარება მაინც სხვა ყველაფერს ჩარეცხავს და დარჩება თამაში, სადაც ერთმანეთს ევროპის ორი ძალიან განსხვავებული საფეხბურთო ფილოსოფია და კულტურა დაუპირისპირდება.

მაინც რა უპირისპირდება ერთმანეთს მსოფლიოს 2018 წლის ჩემპიონატის ფინალში?

საფრანგეთი - ყოფილი იმპერია და ხორვატია - ყოფილი მეტროპოლია;

საფრანგეთი - რგოლებს შორის საუცხოო ბალანსი და თავდაჯერებულობა. ხორვატია - გამარჯვებისკენ საოცარი სწრაფვა, აღტკინება და თავგანწირულობა.

საფრანგეთი - მსოფლიოს ჩემპიონატზე თამაშის დიდი გამოცდილება და მუდმივად ჩემპიონობის მაძიებლობა. ხორვატია - წარმოუდგენელი წარმატება და ფინალში პირველად გასვლის სიხარული;

საფრანგეთი - დახვეწილი და ინტელიგენტური დიდიე დეშამი. ხორვატია - ეშმაკი და მოხერხებული ზლადკო დალიჩი.

საფრანგეთი - მუნდიალიდან გასტუმრებული ვარსკვლავმრავალი არგენტინა, ძალიან ძლიერი ურუგვაი და ისტორიაში საუკეთესო ბელგია. ხორვატია - უკან მოტოვებული არგენტინა, კასპერ შმეიხელის დანია, გათავხედებული რუსეთი და ძლივს ფეხზე დამდგარი ინგლისი;

საფრანგეთი - მბაპე, ლორისი და გრიზმანი. ხორვატია - მანჯუკიში, მოდრიჩი და რაკიტიჩი;

საფრანგეთი - ემანუელ მაკრონი, რომელიც იძახის, რომ საფრანგეთის ამ ნაკრების თავიდან დიდად არ ეიმედებოდა, მაგრამ ახლა ყველა ავი ფიქრი და სიტყვა უკან მიაქვს და ოცნებობს, რომ ისტორიაში მეორედ საფრანგეთი მსოფლიოს ჩემპიონი სწორედ მისი საპრეზიდენტო ვადის დროს გახდეს. ხორვატია - თვალსაამოდ შესახედი კოლინდა გრაბარ-კიტაროვიჩი, რომელიც რუსეთთან მეთხედფინალური მატჩზე სოჭში რიგითი ქომაგის სტატუსით ჩავიდა და ჩვეულებრივ ხორვატ ქომაგებთან ერთად იზეიმა ნახევარფინალში გასვლა.

ქომაგები ამ ფინალისგან მართლაც ბევრს მოელიან და ყველას გვჯერა, რომ წინა მუნდიალებზე დამკვიდრებული უსახური 1:0-ების ეპოქა დასრულდება. შემტევი ფეხბურთელები ორივე გუნდს რომ დიდებული ყავს - ეს ერთი შეხედვითაც ჩანს.

ერთი სიტყვით, დავივიწყოთ ადგილი, სადაც ფინალი იმართება და გვქონდეს იმედი, რომ დღეს დაწერილი მსოფლიო ფეხბურთის ისტორიის ახალი ფურცელი საინტერესო და დაუვიწყერი იქნება!

Loading...

კომენტარები (9)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
18:35 | 15.07.2018
dinamo222 (4556)

რა დავივიწყოთ რეებს ბოდიალობთ თქვე ვიდიოტებო @@ ან როგორ დავივიწყოთ იქნება გვასწავლოთ ! ტელევიზორს ჩავრთავთ თუ არა აუტოტრენინგი გავმართოთ და ვიმრეოროთ?---ეს თამაში რუსეთში არ ტარდება ! ეს თამაში მოსკოვში არ ტარდებაო ??

19:51 | 15.07.2018
Erovnuli-Nakrebi (8952)

სტატიაში ზუსტადაც რუსებზე და მათ მავნებლობაზე წერს ავტორი. მე მგონი შენ ვერ გაუგე სწორად

17:13 | 15.07.2018
sport faza (253)

უკვე ყველაფერი ითქვაა...ერთიღა დარჩა :---ხორვატებს წარმატება ვუსურვოთ აფრიკელი შამანების შელოცვის წინააღმდეგ...ვისაც გახსოვთ 98 წლის ფინალი კი მიხვდებით.....

17:05 | 15.07.2018
Erovnuli-Nakrebi (8952)

ნუ დაიწყებთ ეხლა ზღაპრებს, სპორტი პოლიტიკა არ არისო და ა. შ. ზუსტადაც რომ პოლიტიკაა და მაგიტომაც გაიმართა აქ ჩემპიონატი

15:57 | 15.07.2018
Erovnuli-Nakrebi (8952)

ძალიან მაგარი სტატიაა. სწორედ ასეთი ხალხია პატრიოტი! რესპექტ ავტორს

16:48 | 15.07.2018
წინ ბათუმის დინამოო (325)

ღადაობ თუ მართლა მოგწონს?

17:03 | 15.07.2018
Erovnuli-Nakrebi (8952)

არაფერს არ ვღადაობ. სწორად წერია ყველაფერი

15:13 | 15.07.2018
#გავკარიჩემსპრეზიდენტს (KORBEN) (13528)

საქართველო რომ ოკუპირებულია, ყველამ კარგად ვიცით. და თუ ვინმეს დაგვავიწყდება, იქნებ ისეთმა ხალხმა შეგვახსენოს, რომლებიც ღირსეულად, სწორი ფორმითა და ლოგიკის დაცვით მოახერხებს ამას.
და არა თვალაბეიშვილის და ძმათა მისთა, თუ მსგავსსა მისთა მჩხიბავების ენით, რომელთა განათლებისა და სამშობლოს სიყვარულის ხარისხი სადღაც მეშვიდე-მერვე კლასებს შორის გაიჭედა, როცა ქართულის გაკვეთილზე მიტინგებიდან ყურით მოთრეულ, ურაპატრიოტული პათოსით გაჟღენთილ თავისუფალ თემებს წერდნენ და იმ მასწავლებლებისგან დაწერილი ხუთიანები უხაროდათ, შექმნილი მდგომარეობის გამო წინა დღით რომ გამოვიდნენ კომუნისტური პარტიის რიგებიდან
უიიი, რუსები პენალტს ურტყამენ !!! დავთარსოოთ, დავთარსოოოოოთ ეს სამშობლოს ჭირდება, რუსეთი მტერია უიიიიიიიი
დავთარსოთ, ფინალი დავთარსოთ. იქნებ "ლუჟნიკები" დაინგრეს და რუსებს მსოფლო ჩაეშალოთ და მერე ივერია აუცილებლად გაბრწყინდება
ყოველ დღე შევულოცოთ რუსებს. მგლის ქონისგან და ყვავის ბუმბულისგან ჯადო გავაკეთოთ და ღამით კავკასიონის იქით გადავაგდოთ, თვალი ეცეთ მაგათ, თვალიიიი !!!
დავთარსოთ რუსი დიასახლისები. რომ ყოველდღე ბისკვიტი ჩაუვარდეთ. ყოველდღე ტაფამწვარი მიეხრაკოთ, ყოველდღე რძე აეჭრათ. იქნებ შიმშილით ამოწყდეს ეს სკვითთა და მონღოლთა მოდგმა და გვეშველოს
მოგი...ანთ მეთოდოლოგია აჰაანდე

13:35 | 15.07.2018
Mamulo (260)

სანამ საქართველო ოკუპირებულია ყოველ დღე ყველა საიტმა,ტელევიზიამ და გაზეთმა უნდა შეახსენოს,თითოეულ ქართველს,რომ რუსეთი ოკუპანტია.ამის დავიწყება ერთი წამითაც არ სეიძლება. ვისაც ეს არ მოგწონთ ან გჯერათ რომ სპორტი და პოლიტიკა შორსაა ერთმანეთისგან, იმათ აბა რა გითხრათ,რით გაგახაროთ,თქვენ უიმედოდ ბნელები ბრძანდებიტ ბატონებო.ჩვენდა სამწუხაროდ საქართველოსშიც და ამ საიტზეც მომრავლდით ასეთი ბნელები.

15:58 | 15.07.2018
kakhaberry (2368)

რუსეთი რომ ოკუპანტია მაგის შეხსენება არასდროს მჭირდება პირადად მე, ისედაც მშვენივრად მომეხსენება, უბრალოდ თამაშის დროს ვცდილობ არ მივაქციო მაგას ყურადღება და ფეხბურთით ვისიამოვნო.
უბრალოდ იმის თქმა მინდა, რომ დაივიწყეო რომ მეუბნებიან, პირიქით მახსენებენ და მაგ კუთხით რომ შემეხედა, საერთოდ არ უნდა მეყურებინა ამ ჩემპიონატისთვის )

სხვა მხრივ არსად არ მავიწყდება ეგ...

16:05 | 15.07.2018
kakhaberry (2368)

და კიდე, ანტიპიარიც პიარიაო, მთლად ტყუილი არაა ეგ გამოთქმა და საერთოდ რომ არ ახსენონ მასპინძლის ფაქტორი, მით ნაკლებ რეკლამას გაუკეთებენ და ნაკლებად გაგვახსენდება, რომ მაგ დედა აფეთქებულო ქვეყანაში ჩაატარეს "ისტორიაში საუკეთესო მუნდიალი (c)ჯანიინფანტინო"

13:16 | 15.07.2018
#გავკარიჩემსპრეზიდენტს (KORBEN) (13528)

ფოტოზე მოდრიჩსაც და კილიან მალადოისაც ისეთი გაურკვეველი გრიმასა აჰღბეჭდვიათ სიფათსა ზედა, რომ მგონი თავადაც ბაიბურში არ არიან თუ ვინ ასწევს თასს

13:07 | 15.07.2018
luka08 (294)

ბოღმას ანთხევენ (.)ოზები საერთოდ და თავმოყვარეობა იქონიეთ . ჩვენ იმიტომაც ვისვრით ყველაფერში , რომ პოლიტიკის დროს პოლიტიკურ უმეცრებას ვავლენთ , ფეხბურთის თამსაშისას , ფეხბურთის უციდონარობას და ა.შ. პოსკრიპტუმი ხართ თუ სპორტული საიტი ?!ხშირად მრცხვენია თქვენს მაგივრად , თქვენი სტატიების გამო და ,,გემს მიხედეთ" გერჩიოთ , იქნებ პროფესიული ცოდნა გაიღრმავოთ .

12:56 | 15.07.2018
kakhaberry (2368)

თავად რომ არ გვახსენებდეთ წამდაუწუმ, უფრო ადვილად დავივიწყებდით

13:08 | 15.07.2018
luka08 (294)

გეთახმებით

სარეკლამო ადგილი - 20
250 x 188
სარეკლამო ადგილი - 22
250 x 250
0.086513