"ნაპოლის" ყოფილი მწვრთნელი მაურიციო სარი უახლოეს მომავალში "ჩელსის" თავკაცი გახდება. როგორც Sky Sports-ი იუწყება, მხარეები უკვე შეთანხმდნენ კონტრაქტზე და ასევე ცნობილი ხდება, რომ სარის თანაშემწე ჯანფრანკო ძოლა იქნება. აღნიშნულ თანამდებობაზე მაურიციო ანტონიო კონტეს ჩაანაცვლებს.

იტალიელი "ნაპოლის" 2015 წლიდან წვრთნიდა და მისმა გუნდმა 148 მატჩიდან 98 მოიგო და 25 ფრედ დაასრულა. ნეაპოლელები სარის მეთაურობით იტალიის ჩემპიონატში ორჯერ მეორე ადგილზე გავიდნენ, ხოლო ერთხელ - მესამეზე.