ლონდონის “ჩელსიში” ანტონიო კონტეს ორწლიანი მოღვაწეობა დასრულებულია. როგორც Sky Sport-ი იტყობინება, იტალიელი სპეციალისტი “არისტოკრატების” მთავარი მწვრთნელი აღარაა.
კონტეს თანამემამულე მაურიციო სარი ჩაანაცვლებს და ეს ამბავი უკვე გადაწყვეტილია.
ანტონიო კონტე “ჩელსის” 106 თამაშში წვრთნიდა და 69 გამარჯვება მოიპოვა. 2017 წელს გუნდი ინგლისის ჩემპიონი გახადა, თუმცა გასული სეზონი ლონდონელებმა ჩააგდეს და კონტესაც პოსტის დატოვება ვადაზე ადრე მოუწია.
