ფეხბურთი

17:05 | 11.07.2018 | ნანახია 816 - ჯერ

ხორვატია და ინგლისი ნანატრი ფინალისთვის

დღეს, მსოფლიოს ჩემპიონატს მეორე ფინალისტი ეყოლება – ინგლისი ან ხორვატია. ორივე გუნდისთვის მუნდიალის ნახევარფინალურ ეტაპამდე მოსვლას დიდი წარმატებაა და ამას ჩემპიონატის დაწყების წინ ბევრი არც ვარაუდობდა.

ეს, რომ ასეა, ისტორიაც ნათლად მოწმობს: ინგლისი 1/2 ფინალში მეორედ, ხოლო ხორვატია მესამედ ითამაშებს. ალბიონელებმა ბოლოს ამ სტადიას 1990 წელს უწიეს, როდესაც გერმანიასთან პენალტების სერიაში წააგეს, ხოლო ხორვატებმა 1998 წელს, საფრანგეთთან დათმეს საფინალო შეხვედრა (1:2).

გარეთ საუთგეიტის გუნდის მთავარი პლიუსი მიმდინარე ჩემპიონატზე სტანდარტული მდგომარეობაა, ხორვატიის მთავარი მინუსიც ამავე საკითხში მდგომარეობს – ინგლისმა ყველაზე მეტი გოლი გაიტანა სტანდარტებიდან, ხორვატიამ – გაუშვა.

მოკლედ, ზლატკო დალიჩის გუნდი ამას ძალიან უნდა უფრთხოდეს თუ უნდა, რომ ფინალში ითამაშოს. ინგლისის ნაკრები 1966 წლის შემდეგ პირველ ტიტულთან ძალიან ახლოსაა.

ეს გუნდები მსოფლიოს ჩემპიონატზე პირველად შეხვდებიან ერთმანეთს. თუმცა, სხვა და სხვა ტურნირებზე მათი გზა რვაჯერ უკვე გადაკვეთილა. ალბიონელებმა 4 თამაში მოიგეს, ხორვატებმა 2, ხოლო ორიც ფრედ დასრულდა. 2004 წელს, ევროპის ჩემპიონატზე ინგლსის ნაკრებმა 4:2 მოიგო და დღემდე ეს იყო ერთადერთი მატჩი დიდ ფორუმებზე. დანარჩენ შემთხვევაში კი, ან საკვალიფიკაციო ეტაპი გახლდათ, ან სპარინგი.

ხორვატებისთვის ყველაზე კარგად გასახსენებელი 2007 წლის 21 ნოემბერია, როდესაც “უემბლიზე” 3:2 მოიგო და ინგლისი ევროპის 2008 წლის ჩემპიონატს მიღმა დატოვა. ინგლისმა რევანში მალევე აიღო და 2010 წლის მუნდიალის საკვალიფიკაციო ეტაპზე ბალკანელები 5:1 გაანადგურა.

სავარაუდო შემადგენლობა:

მოსკოვი, “ლუჟნიკი”, 22:00 საათი

ხორვატია (4-2-3-1): შუბაშიჩი; ვრსალიკო, ლოვრენი, ვიდა, სტრინიჩი; რაკიტიჩი, ბროჟოვიჩი; რებიჩი, მოდრიჩი, პერიშიჩი; მანჯუკიჩი

მწვრთნელი: ზლატკო დალიჩი

ინგლისი (3-5-2): პიკფორდი; უოლკერი, სტოუნსი, მაგუაირი; ტრიპიე, დელე ალი, ჰენდერსონი, ლინგარდი, იანგი; სტერლინგი, კეინი

მწვრთნელი: გარეთ საუთგეიტი

მსაჯი: ჩიუნეთ ჩაქირი (თურქეთი)

ზლატკო დალიჩი (ხორვატიის ნაკრების მთავარი მწვრთნელი): “20 წლის შემდეგ დავბრუნდით იქ, სადაც ჩვენი ადგილია. დარწმუნებული ვარ, ეს დავიმსახურეთ, მაგრამ ვერ წარმომიდგენია, რა მოხდება თუ მსოფლიოს ჩემპიონები გავხდებით”.

გარეთ საუთგეიტი (ინგლისის ნაკრების მთავარი მწვრთნელი): “ფეხბურთი სახლში ბრუნდება. ეს არის სიმღერა, რომელიც 20 წელზე მეტია არ მოგვისმენია”.

Loading...

კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
18:45 | 11.07.2018
ogafa (7834)

ინგლისი -საფრანგეთი ?

18:27 | 11.07.2018
despe (3325)

ხორვატიას ვგულშემატკივრობ გულით

რუსეთი ხო გააგდეს

სულ ხორვატები ხო არიან, სულ თეთრები ხო არიან, სულ კაები ხო არიან

ნაკრებიც ამას ჰქვია, აბა ოცნებად მექცა, საქართველოს მაისურით ხვალ ირანელი, თურქ-სელჩუკი, არაბი ან ვინმე ბოგანო არ ვიხილო.

17:12 | 11.07.2018
mjgiri (3827)

იუვენტუსმა იყიდა არა ფეხბურთელი,არამედ ცხოვრების წესი.
გუშინ,ყველასთვის მოულოდნელად,დროზე ადრე,კრიშტიანუ რონალდუმ იუვენტუსში საკუთარი გადასვლა დაანონსა.ან იუვენტუსმა დაანონსა მასში რონალდუს გადასვლა.თუ თქვენ გაღიზიანებთ,რომ ამაზე უფრო მეტი ითქვა,ვიდრე მსოფლიო ჩემპიონატის ნახევარფინალზე-თქვენთვის არ არის გარკვეული,თუ ვინ გახდება საუკეთესო ფეხბურთელი;ხოლო თუ ხვდებით,რომ ასეც უნდა იყოს,მაშინ წლის ფეხბურთელი უკვე რონალდუა.ეხლა კი მთავარზე,მსოფლიო ჩემპიონატზე გადავიდეთ.
საფრანგეთი ელის საკუთარ მოწინააღმდეგეს ფინალში და შესაძლოა,ის ინგლისი გახდეს.საფრანგეთი-ინგლისზე უზარმაზარი რაოდენობით ასოცაიაცია ჩნდება,რადგან ეს ორი ქვეყანა ერთ-ერთი მთავარი ისტორიული ანტოგონისტები არიან ევროპულ კონტინენტზე.ძალიან ბევრი ისტორიული პარალელის გავლება შეგვიძლია:როგორც მონიმუმ,100-წლიანი ომი.მითუმეტეს,საფეხბურთო მატჩი,თუ მასში დამატებითი დრო ინიშნება,ას წუთზე ოდნავ მეტს გრძელდება.ოღონდ რომელი ბრძოლა გახდება ფინალის ყველაზე სწორი ასოციაცია,ამაზე პასუხს უშუალოდ ფინალი გაგვცემს.
ინგლისის ნაკრები ტოვებს ორმაგ შთაბეჭდილებას.ერთი მხრივ,ჩვენ ვიცით ,რომ მათ ჩაატარეს კოლოსლური სამუშაო,თამაშის გასუმჯობესებლად ერთდროულად რამოდენიმე ასპექტში. ამაში მათ გამოიყენეს მათ შორის ყველაზე თანამედროვე მეთოდები. მაგრამ,ამასთან ერთად,ინგლისის ნაკრები წარმოადგენს არქაულ სტილს.არქაული ამ შემთხვევაში არ ნიშნავს რაღაც ძველს და გადავიწყებულს.არის ერთგვარი საზღვარი პრიმიტივსა და პრიმიტივიზმს შორის.პრიმიტივი არის ნეანდერტანელი:დაბალი ინტელექტიტ,საკმარისი ფანტაზიით, არაუმეტეს ქვის იარაღის მოსაფიქრებლად.პრიმიტივიზმი-თუ გნებავთ,ნიკო ფიროსმანი.ნაივური ხელოვნება,შეგნებური გამარტივება ან რაღაც ამგვარი.დიახ,ინგლისის ნაკრები თამაშობს არქაულად,გარეგნულად არქაულად.გარეგნულად ეს წააგავს კლასიკურ ბრიტანულ სტილს.სინამდვილეში ეს რათქმაუნდა მისი ახალი განვითარებაა.ინგლისელები თამაშობენ მეტწილად არა კლასიკურ,არამედ "გამომშრალ" სტილში.დიდ როლს ანიჭებენ ცენტრფორვადს და დაცვას,კარგად იყენებენ სტანდარტულ მდგომარეობას და რაც მთავარია,მათ თამაშში ბევრი პრაგმატიზმია.ამ მხრივ საფრანგეთი-ინგლისის შესაძლო დაპირისპირება მართლაც დაემსგავსება ასწლიან ომს.თუმცა ინგლისი ჯერ ფინალში არაა და მათ შეჩერებას ხორვატები შეეცდებიან.

სარეკლამო ადგილი - 20
250 x 188
სარეკლამო ადგილი - 22
250 x 250
0.124707