ფეხბურთი

22:03 | 10.07.2018 | ნანახია 1700 - ჯერ

კახა ჩხეტიანი: "ახლა მთავარია, მეორე თამაშში სასურველ შედეგს მივაღწიოთ"

ქუთაისის “ტორპედოს” მთავარმა მწვრთნელმა კახა ჩხეტიანმა “შერიფთან” (2:1) გამარჯვების შემდეგ მედიასთან ისაუბრა. საქართველოს ჩემპიონის თავკაცის განცხადებით, თამაშის ხარისხი განსაკუთრებულად მაღალი დონის არ ყოფილა, მაგრამ რაც მთავარია გუნდმა შედეგს მიაღწია.

ჩხეტიანმა ასევე დასძინა, რომ გადაწყვეტილი ჯერ არაფერია და წინ მეორე, რთული შეხვედრაა.

“რა თქმა უნდა, გასახარია, რომ გავიმარჯვეთ. ყველას მინდა დიდი მადლობა გადავუხადო, რადგან რაც ჩვენ გვაკლია, ეს არის შეთამაშება და რამდენიმე ფეხბურთელისთვის პრაქტიკულად პირველი თამაში იყო. მინდა მადლობა ვუთხრა ჩემს ბიჭებს, ჩვენს გულშემატკივრებს. დიდი პასუხისმგებლობა გვაკისრია და ეს გათავისებული გვაქვს. დარწმუნებული ვარ, რომ არავინ არაფერს დააკლებს, რომ შემდეგ ეტაპზე გავიდეთ. ვიცით, რომ წინ ძალიან რთული თამაში გველოდება.

ორი განსხვავებული ტაიმი იმითაა განპირობებული, რაც უკვე ვთქვი. ყველა ფეხბურთელი 100%-ით მზად არ იყო და პირველად ითამაშეს ჩვენს გუნდში. დარწმუნებული ვარ, ყველა ოპტიმალურ ფორმაში რომ იყოს უკეთესად ვითამაშებდით. გველოდება უფრო რთული მეორე თამაში და ყველაფერი უნდა გავაკეთოთ, რომ შედეგს მივაღწიოთ. მეორე ტაიმშიც ასე იყო, განსაკუთრებულად არ გვითამაშია, მაგრამ შედეგი მივიღეთ.

ახალი ფეხბურთელების დამატება ისევ იგეგმება, მიმდინარეობს მოლაპარაკებები და ვნახოთ, როგორ განვითარდება მოვლენები”, - განაცხადა ჩხეტიანმა.

“ტორპედოსა” და “შერიფს” შორის საპასუხო შეხვედრა 18 ივლისს, ტირასპოლში გაიმართება.

სარეკლამო ადგილი - 25
710 x 104
Loading...

კომენტარები (4)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
10:59 | 11.07.2018
rigeli (1011)

გილოცავთ ბიჭებო გამარჯვებას----ერტი კარგი გოლავიკი თავდახსმელი და მშვენიერი გუნდი იქნება ტორპედო

03:36 | 11.07.2018
drogba_duglas costa (12110)

ქიმაძემ მოიგო ეს თამაში მაგრად ითამაშა

22:16 | 10.07.2018
mjgiri (1980)

მოცხეთ მაგათ

22:06 | 10.07.2018
M.U2020 (115)

წარმატებები ტორპედოს ბოლოს მაგრა გაუმართლად მაგრამ მონდომებულები იყო ყველა და მოგება დაიმსახურეს.

სტატისტიკა
0.168411