საქართველოს ნაკრების ნახევარმცველმა გიორგი აბურჯანიამ შესაძლოა კლუბი შეიცვალოს. როგორც WORLDSPORT.GE-სთვის გახდა ცნობილი, 23 წლის ფეხბურთელი “სევილია B”-ს დატოვებას ეშურება და წინადადებბიც არ აკლია.

გიორგის თავისთან ჰოლანდიის ერედივიზიონისა და ესპანეთის ლა ლიგა 2-ის გუნდები იწვევენ. თუმცა, ანდალუზიელები მასთან განშორებას სასურველი თანხის გარეშე არ აპირებენ.

სევილიელები აბურჯანიას სანაცლოდ თითქმის მილიონ ევროს ითხოვენ და არაა გამორცხული ამან მოსალოდნელი ტრანსფერი შეაფერხოს.

შეგახსენებთ, გიორგი აბურჯანია “სევილიაში” 2016 წლის ზაფხულში გადავიდა. გასულ სეზონში ჩვენებურმა ლა ლიგა 2-ში 22 მატჩი ჩაატარა (მხოლოდ 7 ძირითად შემადგენლობაში) და გოლი არ გაუტანია.