ფეხბურთი

12:00 | 3.07.2018 | ნანახია [] - ჯერ

გია ცეცაძე "სამტრედიაში" დაბრუნდა

საქართველოს 21 წლამდე ნაკრების მთავარი მწვრთნელი გია ცეცაძე “სამტრედიას” დროებით დაუბრუნდა. როგორც ეროვნული ლიგის ვებგვერდი იტყობინება, საქართველოს ფეხბურთის ფედერაციამ გაითვალისწინა “სამტრედიას” თხოვნა და ცეცაძეს უფლება მისცა, რომ იმერული გუნდი ევროპა ლიგისთვის მოამზადოს.

ცეცაძე სამტრედიაში სანაკრებო პაუზამდე იმუშავებს და ახალგაზრდულ ნაკრებს შესაბამისი ფანჯრის დროს დაუბრუნდება.

"საქართველოს ფეხბურთის ფედერაციას თხოვნით მიმართა საფეხბურთო კლუბმა "სამტრედიამ", რათა ევროპა ლიგისთვის დროებით კლუბში ემუშავა გია ცეცაძეს, რომელიც, მოგეხსენებათ, 21-წლამდე ნაკრების მთავარი მწვრთნელია.

მწვრთნელთან მოლაპარაკებების შედეგად, მივიღეთ გადაწყვეტილება, რომ დროებით, ახალგაზრდულის შეკრებამდე, გიას ემუშავა "სამტრედიას" მთავარი მწვრთნელის პოზიციაზე, რადგან კლუბის ხელმძღვანელობის აზრით, მათთვის ეს იქნებოდა ძალიან მნიშვნელოვანი საერთაშორისო ტურნირის მოსამზადებელ ეტაპზე.

ჩვენის მხრივ, კიდევ ერთხელ ვადასტურებთ, რომ ყველა კლუბს მაქსიმალურად ხელს შევუწყობთ, რადგან მათი წინსვლა, მთლიანად ქართული ფეხბურთის წარმატებაა", - აღნიშნა სფფ-ის ვიცე-პრეზიდენტმა ალექსანდრე იაშვილმა.

შეგახსენებთ, რომ “სამტრედიამ” ცოტა ხნის წინ ბადრი კვარაცხელია დაითხოვა. გია ცეცაძე კი, ამ გუნდში წარმატებით მუშაობდა და 2016 წელს საქართველოს ჩემპიონიც გახადა. იმერლები ევროპა ლიგაზე ყაზახულ “ტობოლს” 10 ივლისს გაეჯიბრებიან.

0.116095